ബെംഗളൂരു: സംസ്ഥാനത്ത് നേരിട്ട ശക്തമായ പ്രളയത്തെ തുടര്‍ന്ന് നിര്‍ത്തിവെച്ച സര്‍വീസുകള്‍ പുനസ്ഥാപിച്ചു. ബെംഗളൂരുവില്‍ നിന്ന് കേരളത്തിലേക്കുള്ള കെഎസ്ആര്‍ടിസി സര്‍വീസുകളാണ് ഓടിത്തുടങ്ങിയത്. പ്രളയം നേരിട്ട കോഴിക്കോട്, കണ്ണൂര്‍ ഉള്‍പ്പെടെയുള്ള മലബാര്‍ മേഖലയിലേക്ക് കൂടുതല്‍ സര്‍വീസുകള്‍ നടത്തുന്നുണ്ട്.
തിങ്കളാഴ്ച കോഴിക്കോടേക്ക് എട്ട് ബസുകള്‍ സര്‍വീസ് നടത്തി. മാനന്തവാടി വഴി പയ്യന്നൂരേക്ക് രണ്ട് ബസുകളും കണ്ണൂരേക്ക് ഒരു ബസുമാണ് സര്‍വീസ് നടത്തിയത്. കുറ്റിയാടി ചുരം വഴിയുള്ള തൊട്ടില്‍ പാലം ബസും ഇന്നലെ സര്‍വീസ് നടത്തിയിരുന്നു. അതേസമയം, തെക്കന്‍ജില്ലകളിലേക്കുള്ള സര്‍വീസുകള്‍ക്ക് തടസം നേരിട്ടിരുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
