കോഴിക്കോട്: ശ്രീകൃഷ്ണൻ ഓരോ മനുഷ്യന്റെയും ഉള്ളിലാണ് കുടികൊള്ളുന്നതെന്ന് ആർഎസ്എസ് സർസംഘചാലക് മോഹൻ ഭാഗവത്. കൃഷ്ണവേഷധാരികളായ കുഞ്ഞുങ്ങളിലൂടെ ശ്രീകൃഷ്ണജയന്തി പകർന്നു നൽകുന്നത് ഈ സന്ദേശമാണെന്നും അദ്ദേഹം പറഞ്ഞു.ബാലഗോകുലത്തിന്റെ ശ്രീകൃഷ്ണ ജയന്തി മഹാശോഭയാത്ര ഉദ്ഘാടനം ചെയ്യുകയായിരുന്നു അദ്ദേഹം.
ആത്മീയതയെ വിറ്റു തെരഞ്ഞെടുപ്പിൽ മത്സരിക്കാനല്ല ശ്രീകൃഷ്ണൻ ശ്രമിച്ചത്. നിർഭയത്വവും നിസ്വാർ‍ഥ പ്രേമവുമാണ് കൃഷ്ണൻ ഉപദേശിച്ചത്. എല്ലാ കാര്യത്തിലും സമത്വപൂർണമായ സന്തുലിതാവസ്ഥ പാലിക്കാനാണ് നിർദേശിച്ചത്. ഈ നിമിഷം അചഞ്ചലനായി പെരുമാറാനാണ് അദ്ദേഹം പറഞ്ഞത്. ഓരോ കൃഷ്ണാഷ്ടമിയും എല്ലാ മനുഷ്യരുടെയും ജീവിതത്തിൽ പുതിയൊരു തപസ്യയുടെ തുടക്കമാണെന്നും മോഹൻ ഭാഗവത് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
