കണ്ണൂര്‍; തലശ്ശേരി ബ്രണ്ണന്‍ കൊളജില്‍ കത്തിയുമായെത്തിയ ആറംഗ ആര്‍എസ്എസ് സംഘം അറസ്റ്റില്‍. കൊളജ് യൂണിയന്‍ തിരഞ്ഞെടുപ്പിലേക്ക് എസ്എഫ്ഐക്കു വേണ്ടി നാമനിര്‍ദേശ പത്രിക നല്‍കിയ വിദ്യാര്‍ഥിയുടെ അമ്മാവനും സുഹൃത്തുക്കളുമാണു കാറിലെത്തിയത്. കാര്‍ പരിശോധിച്ചപ്പോള്‍ 2 കത്തി കണ്ടെടുത്തു.സംഘത്തെ പൊലീസ് അറസ്റ്റ് ചെയ്തു. ഇവരില്‍ 2 പേര്‍ ജാമ്യത്തില്‍ കഴിയുന്ന കൊലക്കേസ് പ്രതികളാണെന്നു പൊലീസ് പറഞ്ഞു.
കണ്ണവം സ്വദേശികളായ പി വിശാഖ്(27),പി വി ശ്രീനിഷ് (30),വി സനീഷ് (32),എന്‍ നിഖില്‍(25),പി ലിജില്‍(30) ഒ രാജേഷ് എന്നിവരാണ് അറസ്റ്റിലായവര്‍.ക്യാംപസില്‍ കയറി ഭീഷണി മുഴക്കിയ ഇവരെ വിദ്യാര്‍ഥികള്‍ അറിയിച്ചതിനെ തുടര്‍ന്ന് പോലീസ് എത്തി അറസ്റ്റ് ചെയ്യുകയായിരുന്നു.
എസ് എഫ് ഐ സ്ഥാനാര്‍ത്ഥികളെ ഭീഷണിപ്പെടുത്തി നോമിനേഷന്‍ പിന്‍വലിപ്പിക്കുകയായിരുന്നു ലക്ഷ്യമെന്ന് പിടിയിലായ ആര്‍എസ്എസ് പ്രവര്‍ത്തകര്‍ പൊലീസിന് മൊഴി നല്‍കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
