തിരുവനന്തപുരം: സംസ്ഥാനത്ത് രണ്ടു ദിവസം കൂടി കനത്ത മഴ തുടരുമെന്ന് കാലാവസ്ഥാ മുന്നറിയിപ്പ്. ശക്തമായ മഴയ്ക്കുള്ള സാധ്യത കണക്കിലെടുത്ത് നാളെ അഞ്ചു ജില്ലകളില് യെല്ലോ അലര്ട്ട് പ്രഖ്യാപിച്ചു. മറ്റന്നാള് ആറു ജില്ലകളില് മഴ മുന്നറിയിപ്പുണ്ട്.
പത്തനംതിട്ട, ആലപ്പുഴ, കോട്ടയം, ഇടുക്കി, മലപ്പുറം ജില്ലകളിലാണ് നാളെ മഴ മുന്നറിയിപ്പുള്ളത്. ഈ ജില്ലകളില് ഒറ്റപ്പെട്ട കനത്ത മഴയ്ക്കു സാധ്യതയുണ്ട്.
മറ്റന്നാള് കൊല്ലം, ആലപ്പുഴ, എറണാകുളം, ഇടുക്കി, കണ്ണൂര്, കാസര്ക്കോട് ജില്ലകളിലാണ് യെല്ലോ അലര്ട്ട്. നേരത്തെ കേന്ദ്ര കാലാവസ്ഥാ വകുപ്പ് നല്കിയ മുന്നറിയിപ്പില് നാളെ ഒരു ജില്ലയിലും യെല്ലോ അലര്ട്ട് പ്രഖ്യാപിച്ചിരുന്നില്ല.
തിങ്കള്, ചൊവ്വ ദിവസങ്ങളില് സംസ്ഥാനത്ത് ഒരു ജില്ലയിലും മഴ മുന്നറിയിപ്പില്ല. മത്സ്യത്തൊഴിലാളികള്ക്കായി ഈ ദിവസങ്ങളില് പ്രത്യേക കാലാവസ്ഥാ മുന്നറിയിപ്പു നല്കിയിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ