നാദാപുരം; കളിക്കുന്നതിനിടെ ഇലക്ട്രോണിക് ബാറ്ററി വിഴുങ്ങിയതിനെ തുടര്‍ന്ന് ഒന്നര വയസുകാരി മരിച്ചു. അബുദാബിയില്‍ ജോലി ചെയ്യുന്ന വളയം ചെറുമോത്ത് ഓണപ്പറമ്പത്ത് റഷീദിന്റെയും ഷരീഫയുടേയും മകള്‍ ഫാത്തിമ അമാനയാണ് മരിച്ചത്. മൂന്ന് ദിവസം മുന്‍പാണ് കുട്ടി ബാറ്ററി വിഴുങ്ങിയത്. എന്നാല്‍ ഇതിനെക്കുറിച്ച് മാതാപിതാക്കള്‍ അറിഞ്ഞിരുന്നില്ല.
ബാറ്ററി വിഴുങ്ങിയതോടെ കുഞ്ഞ് ഭക്ഷണം കഴിക്കാതായി. തുടര്‍ന്ന് വീട്ടുകാര്‍ ഡോക്റ്ററെ കാണിച്ചു. എക്‌സറെ പരിശോധന നടത്തിയപ്പോഴാണ് അന്ന നാളത്തില്‍ നാണയം പോലുള്ള ബാറ്ററി കുടുങ്ങിയത് കണ്ടത്. കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ച് ബാറ്ററി പുറത്തെടുത്തെങ്കിലും ജീവന്‍ രക്ഷിക്കാനായില്ല. ബാറ്ററി കുടുങ്ങിയ ഭാഗത്ത് വ്രണമായിരുന്നു. ഫാത്തിമ അമാനയുടെ സഹോദരന്‍ റിഷാദ് രണ്ട് വര്‍ഷം മുന്‍പ് പുഴയില്‍ മുങ്ങി മരിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
