കാസര്കോട്:പെരിയയില് യൂത്ത് കോണ്ഗ്രസ് പ്രവര്ത്തകന് വെട്ടേറ്റ് മരിച്ചതിനെ തുടര്ന്ന് നാള കാസര്കോഡ് ജില്ലയില് ഹര്ത്താല് ആചരിക്കുമെന്ന് യുഡിഎഫ്. രാവിലെ ആറ് മുതല് വൈകീട്ട് ആറുവരെയാണ് ഹര്ത്താല്. ഇരുപത്തിയൊന്നുകാരനായി പെരിയ കല്ലിയോട് സ്വദേശി കൃപേഷാണ് കൊല്ലപ്പെട്ടത്.
ഒപ്പമുണ്ടായിരുന്ന സുഹൃത്ത് ജോഷിക്ക് ഗുരുതരമായി പരുക്കേറ്റതിനെ തുടര്ന്നു മംഗളൂരുവിലെ ആശുപത്രിയില് പ്രവേശിപ്പിച്ചു. മൂന്നംഗ സംഘമാണ് ഇരുവരെയും ആക്രമിച്ചത്. കാറിലെത്തിയ സംഘം തടഞ്ഞുനിര്ത്തി മര്ദ്ദിച്ച ശേഷം വെട്ടിക്കൊലപ്പെടുത്തുകയായിരുന്നു. മൃതദേഹം കാസര്കോഡ് ജില്ലാ ആശുപത്രിയില് സൂക്ഷിച്ചിരിക്കുകയാണ്. ആക്രമണത്തിനു പിന്നില് സിപിഎമ്മാണെന്നു കോണ്ഗ്രസ് ആരോപിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ