ചെങ്ങന്നൂര്: പെട്രോള് അടിക്കാന് വൈകിയെന്നാരോപിച്ച് പെട്രോള് പമ്പ് ജീവനക്കാരനെ ബൈക്കിലെത്തിയ സംഘം മര്ദിച്ച് അവശനാക്കി. ചെങ്ങന്നൂരിലാണ് സംഭവം. കോന്നി സ്വദേശിയായ വിഷ്ണുവിനെയാണ് ബൈക്കിലെത്തിയവര് ആക്രമിച്ചത്.
ചെങ്ങന്നൂര് കെഎസ്ആര്ടിസി ബസ് സ്റ്റാന്റിന് എതിര്വശമുളള പെട്രോള് പമ്പിലാണ് സംഭവം. അക്രമികളുടെ മര്ദനത്തില് തലക്കും ശരീരത്തിനും സാരമായി പരിക്കേറ്റ വിഷ്ണു ആശുപത്രിയില് ചികിത്സ തേടി. സംഭവത്തെ തുടര്ന്ന് ചെങ്ങന്നൂര് പൊലീസ് കണ്ടാലറിയാവുന്ന മൂന്നുപേര്ക്കെതിരെ കേസെടുത്തിട്ടുണ്ട്.
പെട്രോള് അടിച്ച് മടങ്ങിയ സംഘം പിന്നീട് തിരിച്ചെത്തി വിഷ്ണുവിനെ മര്ദിക്കുകയായിരുന്നു. ഓട്ടോമൊബൈല് എഞ്ചിനിയറിങ് വിദ്യാര്ത്ഥിയായ വിഷ്ണു പമ്പില് ജോലി ചെയ്താണ് പഠനത്തിനുള്ള പണം കണ്ടെത്തിയിരുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ