കാസര്‍കോട്: ഇരട്ടക്കൊലക്കേസില്‍ അറസ്റ്റിലായ പ്രതികള്‍ വടിവാളുമായി ഒരാഴ്ച മുന്‍പ് കൊലവിളി നടത്തുന്ന വീഡിയോ പുറത്ത്. അറസ്റ്റിലായ സിജെ സജി, ജി ഗിജിന് എന്നിവര്‍ വടിവാളുമായി നൃത്തം ചെയ്യുന്ന ദൃശ്യങ്ങളാണ് പുറത്തുവന്നത്. പശ്ചാത്തലസംഗീതം കൂടി ചേര്‍ത്ത് വാട്‌സാപ്പ് സ്റ്റാറ്റസ് ആയാണ് വീഡിയോ ഇട്ടത്.
സജിയുടെ എച്ചിലടുക്കത്തെ കട ഏതാനും ദിവസങ്ങള്‍ക്ക് മുന്‍പ് അക്രമികള്‍ കത്തിച്ചിരുന്നു. ഈ കടയില്‍ നിന്ന് വടിവാളുമായി പുറത്തേക്കുവരുന്ന സജി വാള്‍ എതിര്‍വശത്തുനില്‍ക്കുന്ന ഗിജിന് എറിഞ്ഞുകൊടുക്കുന്നതും തുടര്‍ന്ന് ഇരുവരും കാറില്‍ കയറുന്നതുമാണ് ദൃശ്യത്തിലുള്ളത്.
സിപിഎമ്മിന്റെ പ്രാദേശിക കമ്മറ്റി ഓഫീസിന് സമീപത്താണ് ഈ കട. കടയുടെ പുറകില്‍ നിന്ന് ഏതാനും ദിവസം മുന്‍പ് വടികള്‍ പിടിച്ചെടുത്തിരുന്നെങ്കിലും പൊലീസ് കേസ് ഒതുക്കി തീര്‍ത്തതായും ആരോപണമുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
