കൊച്ചി: ദേശീയ പാതയോരത്ത് സ്ത്രീകള് തീര്ക്കുന്നത് മതിലല്ല കോട്ടയാണെന്ന് എഴുത്തുകാരന് എന് എസ് മാധവന്. വനിതാ മതിലിന്റെ വൈറ്റിലയില് നിന്നുള്ള ദൃശ്യങ്ങളാണ് അദ്ദേഹം ട്വിറ്ററില് പങ്കുവച്ചത്. വനിതാ മതിലിന് പൂര്ണ പിന്തുണയെന്നും അദ്ദേഹം കുറിച്ചു. എല്ലാ വിഭാഗങ്ങളില് നിന്നുമുള്ള സ്ത്രീകളുടെ പിന്തുണ വനിതാ മതിലിന് ഉണ്ടെന്നും ചിത്രങ്ങള് സഹിതം അദ്ദേഹം ട്വീറ്റ് ചെയ്തിട്ടുണ്ട്.
കാസര്കോട് നിന്നും തിരുവനന്തപുരം വെള്ളയമ്പലം വരെ ദേശീയപാതയോരത്ത് നീളുന്ന വനിതാ മതിലില് 30 ലക്ഷം സ്ത്രീകള് പങ്കെടുക്കുമെന്നാണ് പ്രതീക്ഷിക്കുന്നത്. കാസര്കോട് നിന്നും ആദ്യ കണ്ണിയായി ആരോഗ്യ മന്ത്രി കെ കെ ശൈലജയും തിരുവനന്തപുരത്ത് അവസാന കണ്ണിയാവുന്നത് ബൃന്ദാ കാരാട്ടുമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ