പത്തനംതിട്ട : ശബരിമലയില്‍ യുവതികളെ പ്രവേശിക്കാന്‍ അനുവദിച്ച സര്‍ക്കാര്‍ നടപടിയില്‍ പ്രതിഷേധിച്ച് നാളെ സംസ്ഥാന വ്യാപക ഹര്‍ത്താലിന് ആഹ്വാനം ചെയ്തു. ശബരിമല കര്‍മ്മ സമിതിയാണ് ഹര്‍ത്താലിന് ആഹ്വാനം നല്‍കിയിട്ടുള്ളത്. രാവിലെ ആറു മുതല്‍ വൈകീട്ട് ആറുവരെയാണ് ഹര്‍ത്താല്‍.
ഹര്‍ത്താലിനോട് എല്ലാവരും സഹകരിക്കണമെന്ന് ശബരിമല കര്‍മ്മസമിതി നേതാവ് കെ പി ശശികല അഭ്യര്‍ത്ഥിച്ചു. സര്‍ക്കാര്‍ വിശ്വാസികളെ വഞ്ചിച്ചു. യുവതികളെ ശബരിമലയിലേക്ക് ഒളിച്ചുകടത്തുകയായിരുന്നു. യുവതികളെ ശബരിമലയില്‍ കയറ്റാന്‍ മുന്‍കൈയെടുത്ത മുഖ്യമന്ത്രി രാജിവെച്ച് ഭക്തരോട് മാപ്പുപറയണമെന്നും ശബരിമല കര്‍മ്മസമിതി ആവശ്യപ്പെട്ടു.
ശബരിമല കര്‍മ്മ സമിതിയുടെ എല്ലാ പ്രക്ഷോഭങ്ങള്‍ക്കും പിന്തുണയുണ്ടെന്ന് ബിജെപി സംസ്ഥാന അധ്യക്ഷന്‍ പി എസ് ശ്രീധരന്‍പിള്ള അറിയിച്ചിരുന്നു. ശബരിമലയില്‍ യുവതികളെ പ്രവേശിപ്പിച്ച നടപടിക്കെതിരെ രണ്ടു ദിവസത്തെ സംസ്ഥാന വ്യാപക പ്രതിഷേധത്തിനും ബിജെപി ആഹ്വാനം ചെയ്തിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
