അടൂര്: ശബരിമല യുവതി പ്രവേശനത്തില് പ്രതിഷേധിച്ച് കര്മ്മസമിതി നടത്തിയ ഹര്ത്താലിന് പിന്നാലെ അടൂരില് വീണ്ടും സംഘര്ഷം. അമ്പതോളം വീടുകള്ക്ക് നേരെയാണ് ആക്രമണമുണ്ടായത്. മുപ്പതോളം പേരടങ്ങിയ അക്രമിസംഘമാണ് ഇതിന് പിന്നിലെന്നാണ് റിപ്പോര്ട്ടുകള്.
മഴു ഉപയോഗിച്ച് വീടിന്റെ വാതിലുകള് പൊളിച്ചാണ് സംഘം അക്രമം നടത്തിയത്. സിപിഎം ജില്ലാ സെക്രട്ടറിയേറ്റ് അംഗത്തിന്റെ വീട് സംഘം അടിച്ചുതകര്ത്തതായി റിപ്പോര്ട്ടുകളുണ്ട്. പുലര്ച്ചെ നാല് മണിയോടെയാണ് സംഭവം.
ഹര്ത്താല് ദിനത്തില് സി.പി.എം ഏരിയ ഓഫിസും സി.പി.എം നേതൃത്വത്തിലുള്ള മദര് തെരേസ പാലിയേറ്റീവ് കെയര് യൂനിറ്റിന്റെ ആംബുലന്സും അടിച്ചു തകര്ത്ത സംഭവങ്ങള് റിപ്പോര്ട്ട് ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ