യുവതി പ്രവേശത്തില്‍ ദേവസ്വം ബോര്‍ഡ് നിലപാട് ഇന്നറിയാം; നിര്‍ണായക യോഗം

യുവതി പ്രവേശത്തില്‍ ദേവസ്വം ബോര്‍ഡ് നിലപാട് ഇന്നറിയാം - നിര്‍ണായക യോഗം
യുവതി പ്രവേശത്തില്‍ ദേവസ്വം ബോര്‍ഡ് നിലപാട് ഇന്നറിയാം; നിര്‍ണായക യോഗം

തിരുവനന്തപുരം: ശബരിമല യുവതി പ്രവേശനത്തിന് പിന്നാലെ നടയടച്ചതിന് തന്ത്രിയോട് ദേവസ്വം ബോര്‍ഡ് വിശദീകരണം തേടും. തന്ത്രിയുടെ നടപടി കോടതിയലക്ഷ്യമെന്നാണ് ബോര്‍ഡിന്റെ നീരീക്ഷണം. നടയടച്ച് ശുദ്ധിക്രിയ നടത്തിയത് ദേവസ്വം ബോര്‍ഡിന്റെ അനുമതിയോടെയല്ലെന്ന് പ്രസിഡന്റ് എ പത്മകുമാര്‍ പറഞ്ഞു. ഇന്ന് തിരുവനന്തപുരത്ത് ചേരുന്ന ബോര്‍ഡ് യോഗത്തില്‍ ഇത് സംബന്ധിച്ച റിപ്പോര്‍ട്ട് അവതരിപ്പിക്കും.

ഏത് സാഹചര്യത്തിലായാലും നടയടക്കുന്നത് ബോര്‍ഡിന്റെ അറിവോടെയാകണം. തന്ത്രി ഏകപക്ഷീയമായാണ് നടപടിയെടുത്തത്. ഇത് ശരിയല്ല. ഇക്കാര്യം അംഗീകരിക്കാനാകില്ലെന്നാണ് ദേവസ്വം ബോര്‍ഡിന്റെ തീരുമാനം. നടയടച്ചപ്പോള്‍ ബോര്‍ഡിനോട് ആലോചിച്ചില്ലെന്നാണ്  തന്ത്രിക്കെതിരെയുള്ള ആരോപണം. എന്നാല്‍ ആചാരലംഘനമുണ്ടായാല്‍ നടയടച്ച് പരിഹാരക്രിയ നടത്താന്‍ തന്ത്രിക്ക് അധികാരമുണ്ടെന്നാണ് ബോര്‍ഡിന്റെ നടപടിയെ എതിര്‍ക്കുന്നവരുടെ വാദം.

യുവതി പ്രവേശനത്തിന് ശേഷം നടക്കുന്ന ആദ്യബോര്‍ഡ് യോഗമാണ് വെള്ളിയാഴ്ചത്തേത്. യുവതികള്‍ ദര്‍ശനം നടത്തിയ കാര്യത്തില്‍ ബോര്‍ഡിന്റെ നിലപാട് യോഗത്തില്‍ വ്യക്തമാകും. മകരവിളക്ക് ഒരുക്കങ്ങള്‍ സംബന്ധിച്ച കാര്യങ്ങളും യോഗത്തില്‍ ചര്‍ച്ചയാകും.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com