തിരുവനന്തപുരം: ശബരിമലയില് യുവതികള് പ്രവേശിച്ചതില് പ്രതിഷേധിച്ച് ശബരിമല കര്മസമിതി നടത്തിയ ഹര്ത്താലില് അക്രമം അഴിച്ചുവിട്ടതുമായി ബന്ധപ്പെട്ട് 1369പേര് ഇതുവരെ പൊലീസ് പിടിയിലായി. സംസ്ഥാന പൊലീസ് മേധാവി ലോക്നാഥ് ബെഹ്റയാണ് ഇക്കാര്യം വ്യക്തമാക്കിയിരിക്കുന്നത്.
സംസ്ഥാത്തൊട്ടാകെ 801കേസുകള് രജിസ്റ്റര് ചെയ്തിട്ടുണ്ട്. 717പേരെ കരുതല് തടങ്കലിലാക്കി. ഇന്നുരാവിലെ വരെയുള്ള കണക്കുകളാണ് ഇതെന്ന് ഡിജിപി വ്യക്തമാക്കി. ഹര്ത്താലിന്റെ മറവില് വ്യാപക അക്രമമാണ് നടന്നത്. ഹര്ത്താല് അനുകൂലികളും പ്രതിരോധിക്കാന് രംഗത്തിറങ്ങിയവരും തെരുവില് ഏറ്റുമുട്ടി. കെഎസ്ആര്ടിസി ബസുകളും പാര്ട്ടി ഓഫിസുകളും വ്യാപകമായി തകര്ക്കപ്പെട്ടു.
സംസ്ഥാനത്ത് കഴിഞ്ഞ ദിവസങ്ങളില് ഉണ്ടായ അക്രമസംഭവങ്ങള് അന്വേഷിക്കുന്നതിനും തുടര് നടപടികള്ക്കുമായി പൊലീസ് 'ബ്രോക്കണ് വിന്ഡോ' എന്ന പേരില് സ്പെഷല് െ്രെഡവ് ആരംഭിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ