ശബരിമല: അക്രമ സംഭവങ്ങളില്‍ കേന്ദ്ര സര്‍ക്കാര്‍ റിപ്പോര്‍ട്ട് തേടി
By സമകാലിക മലയാളം ഡെസ്‌ക്‌ | Published: 05th January 2019 02:18 PM |
Last Updated: 05th January 2019 02:18 PM | A+A A- |
ന്യൂഡല്‍ഹി: ശബരിമല യുവതീ പ്രവേശനത്തെത്തുടര്‍ന്ന് സംസ്ഥാനത്തു നടക്കുന്ന അക്രമങ്ങളില്‍ കേന്ദ്ര സര്‍ക്കാര്‍ റിപ്പോര്‍ട്ട് തേടി. സ്ഥിതിഗതികള്‍ ഉടന്‍ നിയന്ത്രണ വിധേയമാക്കാന്‍ കേന്ദ്ര ആഭ്യന്തര മന്ത്രാലയം സര്‍ക്കാരിനോട് ആവശ്യപ്പെട്ടു.
സംസ്ഥാനത്തെ ക്രമസമാധാന നിലയെക്കുറിച്ച് എത്രയും വേഗം റിപ്പോര്‍ട്ട് നല്‍കാനാണ് കേന്ദ്ര ആഭ്യന്തര മന്ത്രാലയം അറിയിച്ചിരിക്കുന്നത്. സംസ്ഥാനത്ത് സമാധാന അന്തരീക്ഷമുണ്ടാക്കുന്നതിന് സര്‍ക്കാര്‍ മുന്‍ഗണന നല്‍കേണ്ടത്. ഇതിനായി അടിയന്തര നടപടി സ്വീകരിക്കണമെന്ന് ആഭ്യന്തര മന്ത്രാലയത്തിന്റെ നിര്‍ദേശത്തില്‍ പറയുന്നു.
Sought from Chief Minister @CMOKerala an urgent Law and Order report on the incidents of violence and destruction of private & public property in Kerala following entry of two young women in #Sabarimala temple.
— Kerala Governor (@KeralaGovernor) January 3, 2019
I appeal to all sections of people to maintain calm & peace
ശബരിമലയില്‍ രണ്ടു യുവതികള്‍ ദര്‍ശനം നടത്തിയതിനെത്തുടര്‍ന്ന് സംസ്ഥാന വ്യാപകമായി അക്രമങ്ങള്‍ അരങ്ങേറുന്ന പശ്ചാത്തലത്തിലാണ് കേന്ദ്ര ആഭ്യന്തര മന്ത്രാലയത്തിന്റെ നടപടി. ക്രമസമാധാന നിലയില്‍ റിപ്പോര്‍ട്ട് നല്‍കണമെന്ന് ഇന്നലെ ഗവര്‍ണര്‍ മുഖ്യമന്ത്രിയോട് ആവശ്യപ്പെട്ടിരുന്നു.
