തിരുവനന്തപുരം: രാജ്യത്തെ ഏറ്റവും മോശം മുഖ്യമന്ത്രി പിണറായി വിജയനാണെന്ന് ഗൂഗിള്‍ സെര്‍ച്ച്. ശബരിമല സ്ത്രീപ്രവേശനവുമായി ബന്ധപ്പെട്ട് മാസങ്ങളായി തുടരുന്ന ക്രമസമാധാന പ്രശ്‌നങ്ങളാണ് ഈ 'മോശം' റെക്കോര്‍ഡിന് പിന്നിലെന്നാണ് റിപ്പോര്‍ട്ടുകള്‍.
രാഷ്ട്രീയനേതാക്കള്‍ക്ക് ഗൂഗിള്‍ അല്‍ഗോരിതം ഇതാദ്യമായല്ല ഇങ്ങനെ 'പണി' കൊടുക്കുന്നത്. മോശം മുഖ്യമന്ത്രി ആരാണെന്നുള്ള അന്വേഷണം ചെന്നെത്തുന്നത് പിണറായി വിജയന്റെ വിക്കിപീഡിയ പേജിലേക്കാണ്. തിങ്കളാഴ്ച മാത്രം 20,000ത്തിലേറെ സെര്‍ച്ചുകളാണ് ' ബാഡ് ചീഫ് മിനിസ്റ്റര്‍' ആരാണ് എന്നുണ്ടായത്.
എന്നാല്‍ രാഷ്ട്രീയ എതിരാളികളാണ് ഇതിന് പിന്നിലെന്നും ഇതുകൊണ്ടൊന്നും മുഖ്യമന്ത്രിയുടെ പ്രതിച്ഛായ തകര്‍ക്കാന്‍ സാധിക്കുകയില്ലെന്നുമാണ് പാര്‍ട്ടി പ്രവര്‍ത്തകര്‍ പറയുന്നത്. ഇഡിയറ്റ് എന്ന സെര്‍ച്ചില്‍ ഒന്നാമത് ട്രംപും, ടോപ് ടെന്‍ ക്രിമിനലുകളില്‍ പ്രധാനമന്ത്രി നരേന്ദ്രമോദിയും പ്രത്യക്ഷപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
