തിരുവനന്തപുരം: പ്രണയ നൈരാശ്യത്തെതുടർന്ന് ജീവനൊടുക്കാൻ മരത്തിൽ കയറിയ ഇതര സംസ്ഥാനക്കാരനായ യുവാവ് മരക്കൊമ്പ് ഒടിഞ്ഞ് താഴെവീണ് കൈയൊടിഞ്ഞു. 22കാരനായ പശ്ചിമബംഗാൾ സ്വദേശി സോളമണ്ഡ് ആണ് മരത്തില് കയറി പരിഭ്രാന്തി സൃഷ്ടിച്ചത്. തിരുവനന്തപുരം കോവളത്താണ് സംഭവം.
ജോലി തേടിയാണ് ഇയാൾ തലസ്ഥാനത്തെത്തിയത്. കോവളം പൊലീസ് സ്റ്റേഷനു സമീപമായിരുന്നു ഇയാളുടെ ആത്മഹത്യാശ്രമം. ഒടുവിൽ അഗ്നിശമന സേനാംഗങ്ങളടക്കം സ്ഥലത്തെത്തി. അനുനയശ്രമങ്ങൾക്കിടെയാണ് യുവാവ് ഇരുന്നിരുന്ന മരക്കൊമ്പ് ഒടിഞ്ഞത്. മരത്തിന് താഴെവിരിച്ച മെത്തയിലേക്ക് വീണതുകൊണ്ട് വലിയ അപകടം ഉണ്ടായില്ല.
വീഴ്ചയ്ക്കിടയിൽ മതിലിൽ തട്ടി യുവാവിന്റെ ഇടതുകൈക്ക് പരിക്കുണ്ട്. ഇയാളെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മരത്തിൽ കയറുന്നതിന് മുമ്പ് ഇയാൾ എലിവിഷവും കഴിച്ചിരുന്നതായാണ് വിവരം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ