കോഴിക്കോട്: ടിക്കറ്റെടുക്കാൻ കൈയിൽ പണമില്ലെന്നും തൃശൂർ എത്തിയാലേ സംഘടിപ്പിച്ചു തരാനാവൂ എന്നും യാത്രക്കാരൻ വാശിപിടിച്ചതോടെ ബസ് അരമണിക്കൂർ വഴിയിൽ കിടന്നു. കെ.എസ്.ആർ.ടി.സി കോഴിക്കോട്-എറണാകുളം സൂപ്പർ ഡീലക്സ് എയർ ബസാണ് യാത്രക്കാരന്റെ കടുത്ത നിലപാട് കാരണം വഴിയിൽ കുടുങ്ങിയത്.
വ്യാഴാഴ്ച രാത്രി 7.30ന് കോഴിക്കോട് നഗരത്തിലായിരുന്നു സംഭവം. കണ്ടക്ടർ അറിയിച്ചതിനെ തുടർന്ന് പുതിയ ബസ്സ്റ്റാൻഡിനു സമീപം പൊലീസെത്തി യാത്രക്കാരനുമായി സംസാരിച്ചു. തുടർന്ന് ഇയാളുടെ ടിക്കറ്റ് തുക നൽകാമെന്ന് സഹയാത്രികർ സമ്മതിക്കുകയും തൃശൂരിൽ എത്തിയാൽ സംഘടിപ്പിച്ച് നൽകാമെന്ന് അദ്ദേഹം അറിയിക്കുകയും ചെയ്തതോടെ ബസ് പുറപ്പെടുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ