മകരവിളക്ക് ഒരുക്കങ്ങള് പൂര്ത്തിയായി; പോരായ്മകള് പരിഹരിച്ചെന്ന് ദേവസ്വം കമ്മീഷണര്
സന്നിധാനം : ശബരിമലയില് ഹൈക്കോടതി നിരീക്ഷണസമിതി നിര്ദ്ദേശിച്ച പോരായ്മകളെല്ലാം പരിഹരിച്ചതാണെന്ന് ദേവസ്വം കമ്മീഷണര് എന് വാസു. മകരവിളക്കിനുള്ള ഒരുക്കങ്ങള് പൂര്ത്തിയായെന്നും അദ്ദേഹം പറഞ്ഞു.
നാളെ നടക്കുന്ന മകരവിളക്കിനായി സന്നിധാനത്തും ദര്ശനത്തിന് അനുവാദമുള്ള കേന്ദ്രങ്ങളിലും ഒരുക്കങ്ങള് അവസാന ഘട്ടത്തിലാണ്. മകരസംക്രമ പൂജയ്ക്ക് മുന്നോടിയായുള്ള ശുദ്ധിക്രിയകള് സന്നിധാനത്ത് ആരംഭിച്ചു. നാളെ വൈകിട്ട് 6.40നും 6.45നുമിടയ്ക്ക് മകര ജ്യോതി തെളിയും.
മകരവിളക്ക് ക്രമീകരണങ്ങളില് ഹൈക്കോടതി മേല്നോട്ട സമിതി ഇന്ന് അവസാന വട്ട വിലയിരുത്തലുകള് നടത്തും. ദേവസ്വം ബോര്ഡും ഇന്ന് അവലോകന യോഗം ചേരും. തിരുവാഭരണ ഘോഷയാത്രയും പുരോഗമിക്കുകയാണ്. നാളെ വൈകിട്ടാണ് തിരുവാഭരണം സന്നിധാനത്ത് എത്തിച്ചേരുക.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ