കോട്ടയം: തോട്ടത്തിലേക്ക് വലിച്ചിഴച്ചു പീഡിപ്പിക്കാന് ശ്രമിച്ചയാളില് നിന്ന് വിദ്യാര്ത്ഥിനിയെ യുവാവ് അതിസാഹസികമായി രക്ഷപ്പെടുത്തി.സ്കൂട്ടര് യാത്രയ്ക്കിടെ കേട്ട അസ്വാഭാവികമായ കരച്ചിലാണ് വിദ്യാര്ത്ഥിനിയെ രക്ഷിക്കാന് ജിംസണിന് തുണയായത്. തമിഴ്നാട് സ്വദേശി റബര്തോട്ടത്തിലേക്കു വലിച്ചു കൊണ്ടുപോയ സ്കൂള് വിദ്യാര്ഥിനിയെ സാഹസികമായി രക്ഷപ്പെടുത്തിയത് ചെങ്ങളം മുതുകുന്നേല് പാത്തിക്കല് ജിംസണ് ജോസഫാ(42)ണ്. അറസ്റ്റിലായ മാര്ത്താണ്ഡം സ്വദേശി പ്രിന്സ്കുമാറിനെ (38) റിമാന്ഡ് ചെയ്തു
ചെങ്ങളത്തു ഫര്ണിച്ചര് വ്യാപാരിയായ ജിംസണ് സുഹൃത്തിനെ വീട്ടില് വിടാന് കഴിഞ്ഞ ദിവസം സന്ധ്യയ്ക്ക് സ്കൂട്ടറില് പോകുമ്പോഴാണ് നാടകീയ സംഭവം. പള്ളിയില് പോയി മടങ്ങിയ വിദ്യാര്ത്ഥിനി വീട്ടിലേക്കു തനിച്ചു നടക്കുമ്പോഴാണ് പ്രതി തോട്ടത്തിലേക്കു വലിച്ചുകയറ്റിയത്. ഈ വഴി വന്ന ജിംസണ് നിലവിളി കേട്ട് സ്കൂട്ടര് നിര്ത്തി നോക്കുമ്പേഴേക്കും പ്രതി ഓടി. പിന്നാലെ ഓടി ഇയാളെ ജിംസണ് കീഴടക്കി.
നാട്ടുകാര് ഇയാളെ പൊലീസില് ഏല്പിച്ചു. ഇയാളുടെ പോക്കറ്റില്നിന്നു ബ്ലേഡ് കണ്ടെടുത്തു. ഒരു നിമിഷം പോലും പാഴാക്കാതെ ജിംസണ് നടത്തിയ സാഹസികശ്രമമമാണു വിദ്യാര്ഥിനിക്കു തുണയായത്. ചെങ്ങളം സെന്റ് ആന്റണീസ് ദേവാലയ ഇടവക ജിംസണെ അനുമോദിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ