തിരുവനന്തപുരം: പ്രശസ്ത ഗിത്താറിസ്റ്റും അധ്യാപകനുമായ ജോൺ ആന്തണി (62) അന്തരിച്ചു. പൂജപ്പുരയിലെ വീട്ടിൽ വച്ച് റിഹേഴ്സൽ നടത്തുന്നതിനിടെ ഹൃദയാഘാതം സംഭവിക്കുകയായിരുന്നു. 'കർണാട്രിക്സ്' എന്ന ഫ്യൂഷൻ ബാൻഡിന്റെ സ്ഥാപകനായിരുന്നു അദ്ദേഹം. 1980 ൽ ജോൺ ആന്തണി തുടങ്ങിയ 'റൂട്ട്സ്' ബാൻഡിലൂടെയാണ് എ ആർ റഹ്മാനും ശിവമണിയും ശ്രദ്ധിക്കപ്പെട്ടത്.
റോക്ക് ബാൻഡുകളുടെ പ്രിയങ്കരനായിരുന്ന ആന്തണി അറിയപ്പെടുന്ന പരിസ്ഥിതി പ്രവർത്തകനും കാർട്ടൂണിസ്റ്റും കൂടിയായിരുന്നു. തരംഗിണി സ്റ്റുഡിയോയിൽ ദീർഘകാലം അധ്യാപകനായി സേവനം അനുഷ്ഠിച്ചു. മലയാളത്തിലും തമിഴിലുമായി 2000ത്തിലേറെ സിനാമാ ഗാനങ്ങൾക്ക് ലീഡ് ഗിത്താർ ഒരുക്കി. ഭാര്യ സുപ്രീത ജോൺ. മകൻ സിദ്ധാർത്ഥ് ജോൺ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ