കെഎന്‍ പണിക്കര്‍ക്കും ആറ്റൂര്‍ രവിവര്‍മ്മയ്ക്കും വിശിഷ്ടാംഗത്വം; വിജെ ജയിംസിനും അയ്മനം ജോണിനും സാഹിത്യ അക്കാദമി പുരസ്‌കാരം

പഴവിള രമേശന്‍, എംപി പരമേശ്വരന്‍, കുഞ്ഞപ്പ പട്ടാന്നൂര്‍, ഡോ. കെ ജി പൗലോസ്, കെ അജിത, സിഎല്‍ ജോസ് എന്നിവര്‍ക്കാണ് സമഗ്ര സംഭാവനയ്ക്കുള്ള പുരസ്‌കാരം
കെഎന്‍ പണിക്കര്‍ക്കും ആറ്റൂര്‍ രവിവര്‍മ്മയ്ക്കും വിശിഷ്ടാംഗത്വം; വിജെ ജയിംസിനും അയ്മനം ജോണിനും സാഹിത്യ അക്കാദമി പുരസ്‌കാരം


തൃശൂര്‍: 2017ലെ സാഹിത്യ അക്കാദമി അവാര്‍ഡുകള്‍ പ്രഖ്യാപിച്ചു. ഡോ.കെഎന്‍ പണിക്കരും ആറ്റൂര്‍ രവിവര്‍മ്മയും അക്കാദമിയുടെ വിശിഷ്ടാംഗത്വത്തിന് അര്‍ഹരായി. അന്‍പതിനായിരം രൂപയും രണ്ടു പവന്റെ സ്വര്‍ണ്ണപ്പതക്കവും പ്രശസ്തി പത്രവും പൊന്നാടയും ഫലകവുമാണ് പുരസ്‌കാരം.

പഴവിള രമേശന്‍, എംപി പരമേശ്വരന്‍, കുഞ്ഞപ്പ പട്ടാന്നൂര്‍, ഡോ. കെ ജി പൗലോസ്, കെ അജിത, സിഎല്‍ ജോസ് എന്നിവര്‍ക്കാണ് സമഗ്ര സംഭാവനയ്ക്കുള്ള പുരസ്‌കാരം. 30,000 രൂപയും സാക്ഷ്യപത്രവും പൊന്നാടയും ഫലകവുമാണ് പുരസ്‌കാരം. 

കവിതയ്ക്കുള്ള പുരസ്‌കാരം വീരാന്‍കുട്ടിയുടെ മിണ്ടാപ്രാണി എന്ന പുസ്തകത്തിനാണ്. നോവല്‍- വിജെ ജയിംസിന്റെ നിരീശ്വരന്‍, ചെറുകഥയ്ക്കുള്ള പുരസ്‌കാരം അയ്മനം ജോണിന്റെ ഇതരചരാചരങ്ങളുടെ ചരിത്രപുസ്തകം,എ നാടകം എസ് വേണുഗോപാലന്‍ നായരുടെ സ്വദേശിഭിമാനി, സാഹിത്യവിമര്‍ശനം കല്‍പ്പറ്റ നാരായണന്റെ കവിതയുടെ ജീവചരിത്രം, വൈജ്ഞാനിക സാഹിത്യം എന്‍ജെകെ നായരുടെ നദീവിജ്ഞാനീയം, ജീവചരിത്രം ജയചന്ദ്രന്‍ മൊകേരിയുടെ തക്കിജ്ജ, യാത്രാവിവരണം സിവി ബാലകൃഷ്ണന്റെ ഏതേതോ സരണികളില്‍, വിവര്‍ത്തനം പര്‍വതങ്ങളും മാറ്റൊലികൊള്ളുന്നു, ബാലസാഹിത്യം വിആര്‍ സുധീഷിന്റെ കുറുക്കന്‍മാഷിന്റെ സ്‌കൂള്‍, ഹാസസാഹിത്യം ചൊവ്വല്ലൂര്‍ കൃഷ്ണന്‍കുട്ടിയുടെ എഴുത്തനുകരണം അനുരണനങ്ങളും.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com