കോട്ടയം: കെവിൻ കൊലക്കേസിൽ ഇന്ന് പ്രാഥമിക വാദം തുടങ്ങും. കോട്ടയം ജില്ലാ അഡീഷണൽ സെഷൻസ് കോടതിയാണ് കേസ് പരിഗണിക്കുന്നത്. കേസിലെ 13 പ്രതികളിൽ ഏഴ് പേർ ജാമ്യത്തിലും ആറുപേര്‍ റിമാൻഡിലുമാണ്. ജാമ്യം ലഭിച്ച പ്രതികൾ ഉൾപ്പെടെ 13 പേരും ഇന്ന് ഹാജരകണമെന്നാണ് കോടതി നിർദേശിച്ചിരിക്കുന്നത്.
പ്രണയ വിവാഹത്തിന്റെ പേരിൽ കോട്ടയം നാട്ടാശേരി സ്വദേശി കെവിൻ ജോസഫിനെ തട്ടിക്കൊണ്ടുപോയി കൊലപ്പെടുത്തിയ കേസിലാണ് വാദം ആരംഭിക്കുന്നത്. കഴിഞ്ഞ മെയ് 27നാണ് കേസിനാസ്പദമായ സംഭവം നടന്നത്. കെവിന്റെ ഭാര്യ നീനുവിന്റെ സഹോദരനും പിതാവും ഉൾപ്പടെയുള്ളവരാണ് കേസിൽ പ്രതികൾ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
