കൊച്ചി: താന് കോണ്ഗ്രസുമായി സഹകരിച്ച് പ്രവര്ത്തിക്കുമെന്ന വാര്ത്തയ്ക്ക് അടിസ്ഥാനമില്ലെന്ന് നടി മഞ്ജു വാര്യര്. ഇത്തരത്തില് വരുന്ന വാര്ത്ത പൂര്ണമായും തെറ്റാണെന്നും മ്ഞ്ജു പറഞ്ഞു
'രാഷ്ട്രീയത്തില് ഇറങ്ങാന് ഒരു പദ്ധതിയുമില്ല. ഒരു രാഷ്ട്രീയപാര്ട്ടിയുടേയും നേതാക്കള് തന്നെ ബന്ധപ്പെട്ടിട്ടില്ല. കുഞ്ഞാലി മരക്കാര് എന്ന സിനിമയുടെ ഷൂട്ടിങ്ങിനായി ഇപ്പോള് താന് ഹൈദരാബാദിലാണുള്ളത്. ഏതെങ്കിലും രാഷ്ട്രീയ പാര്ട്ടിയോട് ആഭിമുഖ്യമോ വിധേയത്വമോ ഇല്ല. കലയാണ് തന്റെ രാഷ്ട്രീയം' - മഞ്ജു പറഞ്ഞു.
മഞ്ജു വാര്യര് കോണ്ഗ്രസ് നേതാക്കളുമായി കൂടിയാലോചനകള് നടത്തി, കോണ്ഗ്രസുമായി സഹകരിച്ച് പ്രവര്ത്തിക്കാന് മഞ്ജു ആഗ്രഹം പ്രകടിപ്പിച്ചു, അടുത്ത ലോക്സഭാ തിരഞ്ഞെടുപ്പില് കോണ്ഗ്രസ് പ്രചാരണ രംഗത്ത് സജീവ സാന്നിധ്യമായി മഞ്ജു ഉണ്ടാകും തുടങ്ങിയ രീതിയിലായിരുന്നു പ്രചാരണങ്ങള്.
നേരത്തെ സംസ്ഥാന സര്ക്കാരിന്റെ നേതൃത്വത്തില് സംഘടിപ്പിച്ച വനിതാ മതിലിന്റെ പ്രചാരണ വീഡിയോയില് പ്രത്യക്ഷപ്പെട്ട മഞ്ജു പിന്നീട് താന് വനിതാ മതിലില് നിന്ന് പിന്വാങ്ങുകയാണെന്ന് അറിയിച്ചിരുന്നു. വനിതാ മതിലിന്റെ പിന്നില് രാഷ്ട്രീയമുണ്ടെന്നാരോപിച്ചായിരുന്നു പിന്മാറ്റം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ