കണ്ണൂര് : യന്ത്രത്തകരാറിനെ തുടര്ന്ന് മുഖ്യമന്ത്രി പിണറായി വിജയന് സഞ്ചരിച്ച വിമാനം തിരിച്ചിറക്കി. കണ്ണൂരില് നിന്നും കൊച്ചിയിലേക്ക് മുഖ്യമന്ത്രി പുറപ്പെട്ട നാവികസേന വിമാനമാണ് യന്ത്രത്തകരാറിനെ തുടര്ന്ന് തിരിച്ചിറക്കിയത്. കണ്ണൂരില് വിവിധ പരിപാടികളില് പങ്കെടുത്ത മുഖ്യമന്ത്രി, പ്രധാനമന്ത്രി പങ്കെടുക്കുന്ന ചടങ്ങുകളില് സംബന്ധിക്കാനാണ് കൊച്ചിയിലേക്ക് തിരിച്ചത്.
12.15 ന് വിമാനം പുറപ്പെടേണ്ടതാണ്. മുഖ്യമന്ത്രിയും ഉദ്യോഗസ്ഥരും വിമാനത്തില് കയറിയിരിക്കുകയും ചെയ്തു. എന്നാല് യന്ത്രത്തകരാറിനെ തുടര്ന്ന് വിമാനം പുറപ്പെടാനായില്ല. ഇതോടെ പ്രധാനമന്ത്രി നരേന്ദ്രമോദിപങ്കെടുക്കുന്ന ചടങ്ങില് മുഖ്യമന്ത്രി പങ്കെടുത്തേക്കില്ല.
വിമാനം തകരാറായ വിവരം മുഖ്യമന്ത്രിയുടെ ഓഫീസ് പ്രധാനമന്ത്രിയെ അറിയിച്ചിട്ടുണ്ട്. മുഖ്യമന്ത്രിക്ക് വരാനായി കൊച്ചിയില് നിന്നും പകരം വിമാനം ഒന്നരയോടെ കണ്ണൂരിലെത്തിച്ചേക്കുമെന്നും റിപ്പോര്ട്ടുണ്ട്. ഇതോടെ പ്രധാനമന്ത്രിയെ വരവേല്ക്കാന് മുഖ്യമന്ത്രിക്ക് എത്തിച്ചേരാനാകില്ലെന്നാണ് റിപ്പോര്ട്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ