നാഗ്പൂര്: സ്ഥിരമായി ആത്മഹത്യ വീഡിയോകള് കണ്ട 12 വയസ്സുകാരി ആത്മഹത്യ ചെയ്തു. മഹാരാഷ്ട്രയിലെ നാഗ്പൂരിലെ ഹന്സാപുരിയിലുള്ള 12 വയസുകാരിയാണ് തൂങ്ങി മരിച്ചത്.
പിതാവിന്റെ ഫോണില് നിന്ന് നിരവധി സൈറ്റുകളില് കയറി കുട്ടി ആത്മഹത്യ വിഡിയോകള് കാണുമായിരുന്നുവെന്ന് മാതാപിതാക്കള് പറഞ്ഞു. മകള് ഇത്തരം വിഡിയോകള് കാണുന്ന കാര്യം അറിയാമായിരുന്നു. എന്നാല് ഇങ്ങനെ ചെയ്യുമെന്ന് കരുതിയില്ലെന്ന് മാതാപിതാക്കള് പറഞ്ഞു.
ശനിയാഴ്ച വൈകിട്ടാണ് പെണ്കുട്ടി സീലിങ് ഫാനില് കയര്കെട്ടി തൂങ്ങി മരിച്ചത്. ഈ കാഴ്ച കണ്ട ഇളയസഹോദരി നിലവിളിച്ചുകൊണ്ട് മാതാപിതാക്കളെ അറിയിക്കുകയായിരുന്നു. ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. 12 വയസ്സുകാരിയുടെ മരണത്തില് പൊലീസ് കേസെടുത്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ