രമ്യയെ 'രാമയ്യ' എന്ന് വിളിച്ച് സ്പീക്കര്‍; തിരുത്തി ആലത്തൂര്‍ എംപി 

പാര്‍ലമെന്റിലെ ശൂന്യവേളാ സമയത്താണ് രമ്യ ഹരിദാസിന്റെ പേര് സ്പീക്കര്‍ തെറ്റായി ഉച്ചരിച്ചത്
രമ്യയെ 'രാമയ്യ' എന്ന് വിളിച്ച് സ്പീക്കര്‍; തിരുത്തി ആലത്തൂര്‍ എംപി 

ന്യൂഡല്‍ഹി: തന്റെ പേര് തെറ്റായി ഉച്ചരിച്ച സ്പീക്കറെ തിരുത്തി ആലത്തൂര്‍ എം പി രമ്യ ഹരിദാസ്. പാര്‍ലമെന്റിലെ ശൂന്യവേളാ സമയത്താണ് രമ്യ ഹരിദാസിന്റെ പേര് സ്പീക്കര്‍ തെറ്റായി ഉച്ചരിച്ചത്. ഉടന്‍ തന്നെ രാമയ്യ അല്ല, രമ്യ എന്നാണ് തന്റെ പേരെന്ന് പറഞ്ഞുകൊണ്ട് ആലത്തൂര്‍ എം പി സ്പീക്കര്‍ ഓം ബിര്‍ളയെ തിരുത്തുകയായിരുന്നു.

സ്പീക്കറുടെ തെറ്റായ ഉച്ചാരണം സഭയിലാകെ ചിരി പടര്‍ത്തുകയും മറ്റ് സഭാ അംഗങ്ങള്‍ കൂടി സ്പീക്കറെ തിരുത്താന്‍ ശ്രമിക്കുകയും ചെയ്തു. ഇതോടെ സ്പീക്കറുടെ മുഖത്തും ചിരി പടര്‍ന്നു. 'രാമയ്യ' എന്ന് വീണ്ടും ഉച്ചരിക്കാന്‍ തുനിഞ്ഞ സ്പീക്കര്‍ സ്വയം തിരുത്തുകയും രമ്യ ഹരിദാസ് ആദ്യമായാണ് സഭയില്‍ സംസാരിക്കുന്നതെന്ന് പറയുകയും ചെയ്തു.

ബ്ലോക്ക് പഞ്ചായത്ത് പ്രസിഡന്റായിരുന്ന സമയത്ത് രമ്യ ഹരിദാസ് മികച്ച പ്രകടനമാണ് കാഴ്ച വെച്ചതെന്ന് തനിക്ക് അറിയാമെന്ന് സ്പീക്കര്‍ പറഞ്ഞു. ആലത്തൂരിലെ കര്‍ഷകര്‍ നേരിടുന്ന പ്രശ്‌നങ്ങളാണ് തന്റെ കന്നി അവസരത്തില്‍ രമ്യ സഭയോട് സംസാരിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com