കൊല്ലം : പുത്തൂര് വെണ്ടാറില് വാടക വീട്ടില് യുവതിയെ മരിച്ച നിലയില് കണ്ടെത്തി. മുഴിക്കോട് സ്വദേശിനി സ്മിത (32) ആണ് മരിച്ചത്. വാടക വീട്ടിൽ ഇവർക്കൊപ്പമുണ്ടായിരുന്ന ബന്ധു മങ്ങാട് സ്വദേശി സനീഷിന്റെ മൃതദേഹം റെയിൽവേ ട്രാക്കിൽ കണ്ടെത്തി. കൊല്ലം റയിൽവേ സ്റ്റേഷന് സമീപത്ത റെയിൽവേ ട്രാക്കിലാണ് മൃതദേഹം കണ്ടെത്തിയത്.
ഇയാൾ ട്രെയിന് മുന്നിൽ ചാടി ആത്മഹത്യ ചെയ്തതാണെന്നാണ് സംശയിക്കുന്നത്. യുവതിയോടൊപ്പമുണ്ടായിരുന്ന സനീഷ് വിളിച്ചറിയിച്ചതനുസരിച്ച് സ്മിതയുടെ സുഹൃത്തായ യുവതിയും ഭർത്താവും രാവിലെ വീട്ടിലെത്തി നോക്കിയപ്പോഴാണ് സ്മിതയുടെ മൃതദേഹം കണ്ടെത്തിയത്. സ്മിതയുടെ രണ്ടു മക്കൾ വീട്ടിലുണ്ടായിരുന്നു. മൃതദേഹം കൊട്ടാരക്കര താലൂക്ക് ആശുപത്രിയിലേക്ക് മാറ്റി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ