കോഴിക്കോട്: മെഡിക്കൽ കോളജിൽ 9.07 ലക്ഷം രൂപ കാണാതായതായി പരാതി. സർജിക്കൽ വിഭാഗത്തിൽ നിന്നാണ് പണം കാണാതായിരിക്കുന്നത്. കാഷ്വാലിറ്റിക്കടുത്ത് പൊതുജനങ്ങൾക്ക് പ്രവേശന പാസ് വിൽക്കുന്ന കൗണ്ടറിന് സമീപമുള്ള അടച്ചുറപ്പുള്ള ഓഫീസിൽ നിന്നാണ് തുക നഷ്ടപ്പെട്ടത്.
ജീവനക്കാരുടെ പരാതിയില് മെഡിക്കല് കോളജ് പൊലീസ് കേസെടുത്ത് അന്വേഷണം തുടങ്ങി. ശസ്ത്രക്രിയയ്ക്കുള്ള ഇംപ്ലാന്റ്കളടക്കം മെഡിക്കൽ ഉപകരണങ്ങൾ വിൽക്കുന്ന ഓഫീസാണിത്. പൊലീസ് നടത്തിയ പ്രാഥമിക പരിശോധനയില് പുറമെനിന്നുള്ള കവര്ച്ചാ സാധ്യത കണ്ടെത്താനായില്ല.
അതേസമയം ഓഫീസിന്റെ പൂട്ട് തകർന്നിട്ടില്ല. ജീവനക്കാരെ വിശദമായി ചോദ്യം ചെയ്യാനാണ് പൊലീസിന്റെ തീരുമാനം. ജില്ലാ കലക്ടര്ക്കും പരാതി നല്കിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ