തിരുവനന്തപുരം: തിരുവനന്തപുരം മേയര് വികെ പ്രശാന്തിനെ ആക്രമിച്ച കേസില് ബിജെപി കൗണ്സിലര്മാരടക്കം 21 പേര്ക്കെതിരെ കുറ്റപത്രം സമര്പ്പിച്ചു. തിരുവനന്തപുരം ഒന്നാം മജിസ്ട്രേറ്റ് കോടതിയിലാണ് മ്യൂസിയം പൊലീസ് കുറ്റപത്രം സമര്പ്പിച്ചത്. 2017 നവംബര് 18 നാണ് ആക്രമണമുണ്ടായത്.
കൗണ്സില് ഹാളില് നടന്ന സംഘര്ഷവുമായി ബന്ധപ്പെട്ട കേസില് വധശ്രമം, ഗൂഡാലോചന, ഔദ്യോഗിക കൃത്യനിര്വഹണം തടസപ്പെടുത്തല് എന്നീ കുറ്റങ്ങളാണ് ബിജെപി കൗണ്സിലര്മാര്ക്കെതിരെ ചുമത്തിയിരിക്കുന്നത്.
ഹൈമാസ്റ്റ് ലൈറ്റ് സ്ഥാപിക്കുന്നതുമായി ബന്ധപ്പെട്ട തര്ക്കമാണ് കയ്യാങ്കളിയിലെത്തിയത്. മേയറെ ഒരുകൂട്ടം ബിജെപി കൗണ്സിലര്മാര് ചേര്ന്ന് ഭിത്തിയില് ചേര്ത്ത് തള്ളുകയായിരുന്നെന്ന് ദൃശ്യങ്ങള് വ്യക്തമായിരുന്നു. തുടര്ന്ന് നഗരസഭയുടെ മുകളിലത്തെ നിലയിലേക്ക് പോകാന് ശ്രമിച്ച മേയറെ കൗണ്സിലര്മാര് ചേര്ന്ന് തള്ളിയിടുകയായിരുന്നു. നിലത്ത് വീണ മേയര്ക്ക് കാലിനാണ് പരുക്കേറ്റത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ