ഇല പറിക്കുന്നതിനിടെ വീട്ടമ്മയുടെ കണ്ണില്‍ ചൂണ്ടക്കൊളുത്ത് തുളഞ്ഞുകയറി ; ഒരു മണിക്കൂര്‍ നീണ്ട ശസ്ത്രക്രിയയിലൂടെ പുറത്തെടുത്തു

വലതു കണ്‍പോളയ്ക്കും നേത്രഗോളത്തിനും ഇടയിലാണ് തുരുമ്പിച്ച ചൂണ്ടക്കൊളുത്ത് തറച്ചത്
ഇല പറിക്കുന്നതിനിടെ വീട്ടമ്മയുടെ കണ്ണില്‍ ചൂണ്ടക്കൊളുത്ത് തുളഞ്ഞുകയറി ; ഒരു മണിക്കൂര്‍ നീണ്ട ശസ്ത്രക്രിയയിലൂടെ പുറത്തെടുത്തു

ആലപ്പുഴ: വീട്ടുമുറ്റത്തെ കറിവേപ്പ് മരത്തില്‍നിന്ന് ഇല പറിക്കുന്നതിനിടെ, വീട്ടമ്മയുടെ കണ്ണില്‍  ചൂണ്ടക്കൊളുത്ത് തുളച്ചുകയറി. തോട്ടപ്പള്ളി നാലുചിറ തോണിപ്പറമ്പില്‍ സുധാകരന്റെ ഭാര്യ പുഷ്പയുടെ (52) കണ്ണിലാണ് ചൂണ്ടക്കൊളുത്ത് തുളച്ചുകയറിയത്. ഇന്നലെ പുലര്‍ച്ചെയാണ് സംഭവം.

മരത്തില്‍ കുടുങ്ങിക്കിടന്ന ചൂണ്ടക്കൊളുത്താണ് പുഷ്പയുടെ കണ്ണില്‍ തുളച്ചു കയറിയതെന്ന് വീട്ടുകാര്‍ പറഞ്ഞു. വലതു കണ്‍പോളയ്ക്കും നേത്രഗോളത്തിനും ഇടയിലാണ് തുരുമ്പിച്ച ചൂണ്ടക്കൊളുത്ത് തറച്ചത്. വേദന കൊണ്ടു പുളഞ്ഞ പുഷ്പയെ ഉടന്‍ ആലപ്പുഴ മെഡിക്കല്‍ കോളജ് ആശുപത്രിയിലെത്തിച്ചു. 

ആശുപത്രിയിലെ ഡോക്ടര്‍മാര്‍ വീട്ടമ്മയുടെ കണ്ണില്‍ തുളച്ചുകയറിയ ചൂണ്ടക്കൊളുത്ത് ശസ്ത്രക്രിയയിലൂടെ പുറത്തെടുത്തു. കാഴ്ച ശേഷിക്കു പ്രശ്‌നം വരാതെ നേത്രരോഗ ചികിത്സാ വിഭാഗം അസോഷ്യേറ്റ് പ്രഫ. ഡോ. മനോജ് വേണുഗോപാല്‍, അസി. പ്രഫസര്‍മാരായ ഡോ. സിജ, ഡോ. ധന്യ എന്നിവരുടെ നേതൃത്വത്തില്‍ ഒരു മണിക്കൂര്‍ നീണ്ട ശസ്ത്രക്രിയയിലൂടെയാണ് പുറത്തെടുത്തത്. കൊളുത്തിന് 5 സെന്റിമീറ്റര്‍ നീളമുണ്ടെന്നു ഡോക്ടര്‍മാര്‍ അറിയിച്ചു. 
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com