തിരുവനന്തപുരം: കർണ്ണാടകത്തിലും ഗോവയിലും കോൺഗ്രസ് എംഎൽഎമാർ കൂറുമാറിയ സംഭവത്തിൽ രൂക്ഷപരിഹാസവുമായി മന്ത്രി എംഎം മണി. കോൺഗ്രസ് പാർട്ടിക്ക് വിലയിടിഞ്ഞെന്നും കോൺഗ്രസ് എംഎൽഎമാർക്ക് വിലയേറിയെന്നുമാണ് അദ്ദേഹം ഫെയ്സ്ബുക്കിൽ കുറിച്ചത്.
കർണ്ണാടകത്തിൽ എംഎൽഎമാർ രാജിക്കത്ത് നൽകിയതിനെ തുടർന്നുള്ള രാഷ്ട്രീയ പ്രതിസന്ധി തുടരുകയാണ്. ഇതോടെ സഖ്യസർക്കാർ നിലംപൊത്തുമെന്ന അവസ്ഥയിലാണ്. അതിനിടെ കോൺഗ്രസിന് കൂടുതൽ ആഘാതം നൽകി ഗോവയിൽ 15 എംഎൽഎമാരിൽ പ്രതിപക്ഷ നേതാവ് അടക്കം 10 പേർ ബിജെപി പാളയത്തിലേക്ക് കൂറുമാറിയത്.
ഇതിനെ പരാമർശിച്ചായിരുന്നു മന്ത്രിയുടെ കുറിപ്പ്. "കോൺഗ്രസ് പാർട്ടിക്ക് വിലയിടിഞ്ഞെങ്കിലും കോൺഗ്രസ് MLA മാർക്ക് വിലയേറിയിട്ടുണ്ട്" എന്നാണ് മന്ത്രി എംഎം മണി ഫെയ്സ്ബുക്കിൽ കുറിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
