കോട്ടയം: ഏറ്റുമാനൂർ റെയിൽവേ സ്റ്റേഷനിൽ ട്രെയിനിൽ നിന്നു ഇറങ്ങാൻ ശ്രമിക്കുന്നതിനിടെ വിദ്യാർത്ഥിനിക്ക് വീണു പരിക്കേറ്റു. പാലക്കാട് മണ്ണാർക്കാട് സ്വദേശിനി അഷ്മ ടി ജോഷി (18) ക്കാണു പരുക്കേറ്റത്. കൂട്ടുകാരി വീണു തലപൊട്ടിയതു കണ്ട് കൂടെയുണ്ടായിരുന്ന മറ്റൊരു വിദ്യാർത്ഥിനി കുഴഞ്ഞുവീണു.കണ്ണൂർ സ്വദേശിനി അയിഷയാണ് കുഴഞ്ഞു വീണത്. ഇരുവരും പ്ലാറ്റ്ഫോമിലേക്കാണു വീണത്.
പാലാ ബ്രില്യന്റ് സ്റ്റഡി സെന്ററിൽ പരിശീലനം നേടുന്നവരാണ് ഇവർ. രാത്രി ഏഴോടെയാണു സംഭവം. ഏറ്റുമാനൂരിൽ സ്റ്റോപ്പ് ഇല്ലാത്ത ലോകമാന്യ തിലക്– കൊച്ചു വേളി ഗരീബ്‌രഥ് എക്സപ്രസ് വേഗം വളരെ കുറച്ച് പ്ലാറ്റ്ഫോമിലൂടെ കടന്നു പോകുന്നതിനിടെ ഇറങ്ങാൻ ശ്രമിക്കുകയായിരുന്നെന്ന് ദൃക്‌സാക്ഷികൾ പറയുന്നു.
ഇരുവരേയും തെള്ളകത്തെ സ്വകാര്യ ആശുപത്രിയിൽ പ്രവേശിപ്പിച്ചു. അഷ്മയുടെ തലയ്ക്ക് പരുക്കുണ്ട്. ആശങ്കപ്പെടാൻ ഇല്ലെന്ന് ആശുപത്രി അധികൃതർ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
