തിരുവനന്തപുരം: യൂണിവേഴ്‌സിറ്റി കോളജില്‍ പിരിച്ചുവിട്ട യൂണിറ്റിന് പകരമായി എസ്എഫ്‌ഐ അഡ്‌ഹോക് കമ്മിറ്റി രൂപീകരിച്ചു. പുതിയ കമ്മിറ്റിയുടെ ചുമതല ജില്ലാ നേതൃത്വം നേരിട്ട് വഹിക്കും. സംഘര്‍ഷത്തില്‍ വിദ്യാര്‍ത്ഥിക്ക് കുത്തേറ്റ സംഭവത്തിന് പിന്നാലെ എസ്എഫ്‌ഐ കോളജ് യൂണിറ്റ് പിരിച്ചുവിട്ടിരുന്നു.
കോളജിലെ പ്രശ്‌നങ്ങള്‍ പരിഹരിക്കാന്‍ എസ്എഫ്‌ഐ നിര്‍ദേശങ്ങള്‍ മുന്നോട്ടുവച്ചു. കോളജിലും ഹോസ്റ്റലിലും ഐഡി കാര്‍ഡ് നിര്‍ബന്ധമാക്കണം. പ്രവൃത്തി സമയം അവസാനിച്ചാല്‍ വിദ്യാര്‍ത്ഥികള്‍ ക്യാമ്പസില്‍ തങ്ങാന്‍ പാടില്ല തുടങ്ങിയ നിര്‍ദേശങ്ങളാണ് എസ്എഫ്‌ഐ മുന്നോട്ടുവച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
