തിരുവനന്തപുരം : നിയമസഭയിലേക്കുള്ള ഉപതെരഞ്ഞെടുപ്പിന്റെ ഒരുക്കങ്ങള് ശക്തമാക്കി എന്ഡിഎ മുന്നണി. ഉപതെരഞ്ഞെടുപ്പ് നടക്കുന്ന ആറ് നിയമസഭാ മണ്ഡലങ്ങളില് അഞ്ചിടത്ത് ബിജെപി മല്സരിക്കാന് ധാരണയായി. ഒരിടത്ത് സഖ്യകക്ഷിയായ ബിഡിജെഎസ് മല്സരിക്കും.
വട്ടിയൂര്ക്കാവ്, കോന്നി, പാലാ, എറണാകുളം, മഞ്ചേശ്വരം മണ്ഡലങ്ങളിലാണ് ബിജെപി മല്സരിക്കുക. ആലപ്പുഴ ജില്ലയിലെ അരൂര് മണ്ഡലത്തില് ബിഡിജെഎസ് ജനവിധി തേടും. സീറ്റിന്റെ കാര്യത്തില് നിലവിലെ സ്ഥിതി തുടരാന് തീരുമാനിക്കുകയായിരുന്നുവെന്ന് എന്ഡിഎ സംസ്ഥാന കണ്വീനര് പി കെ കൃഷ്ണദാസ് അറിയിച്ചു.
തെരഞ്ഞെടുപ്പിനുള്ള ഒരുക്കങ്ങള് കൂടുതല് വേഗത്തിലാക്കാനും സംസ്ഥാന നേതൃയോഗം തീരുമാനിച്ചു. എന്ഡിഎയ്ക്ക് ബൂത്തു തലത്തില് വരെ സമിതി രൂപീകരിക്കും. ഇവ ഓഗസ്റ്റ് 15 നകം നിലവില് വരുമെന്നും കൃഷ്ണദാസ് അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ