കൊച്ചി : ബസ് യാത്രക്കാരിയായ വയോധികയുടെ മാല പൊട്ടിച്ച‌് ഓടിയ സ‌്ത്രീകളെ യുവതി സാഹസികമായി പിടികൂടി പൊലീസിൽ ഏൽപ്പിച്ചു. എറണാകുളത്തെ കോലഞ്ചേരിയിലാണ് സംഭവം. തമിഴ്നാട് ദിണ്ടിഗൽ സ്വദേശികളായ കാവ്യ (27), ആസിനി (29) എന്നിവരാണ് പിടിയിലായത്.
കെഎസ്ആർടിസി ബസ് രാവിലെ കോലഞ്ചേരി മെഡിക്കൽ കോളേജ് ജങ‌്ഷനിലെത്തിയപ്പോഴാണ‌് ഇവർ മാല പൊട്ടിച്ചത‌്. ഇതുകണ്ട മീമ്പാറ സ്വദേശിയായ റിനി റോബിൻ എന്ന യുവതി മാലമോഷ്ടാക്കളുടെ പിന്നാലെ ഓടി. മെഡിക്കൽ കോളേജ് സ്റ്റോപ്പിലൂടെ മാലയുമായി ഓടിയ യുവതിയുടെ പിറകെയെത്തിയ റിനി ഫെഡറൽ ബാങ്കിന് മുൻവശത്തുനിന്ന‌് ഒരാളെ പിടികൂടി.
ഇതോടെ കണ്ടുനിന്നവരും തടിച്ചുകൂടി യുവതികളെ തടഞ്ഞുവെച്ചു തുടർന്ന് പുത്തൻകുരിശ് പൊലീസ് സ്ഥലത്തെത്തി മോഷണസംഘത്തെ കസ്റ്റഡിയിലെടുത്തു. പരിശോധനയിൽ ഇവരിൽ നിന്നും മാല കണ്ടെടുത്തു. പ്രതികളെ റിമാൻഡ‌് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
