തിരുവനന്തപുരം : ശബരിമലക്ഷേത്രത്തെയും അയ്യപ്പപ്രതിഷ്ഠയെയും മോശമായി ചിത്രീകരിച്ച് ഫെയ്സ്ബുക്കിൽ പോസ്റ്റിട്ട റിസർവ് ബാങ്ക് ഉദ്യോഗസ്ഥൻ കുടുക്കിൽ. ഇയാൾക്കെതിരെ കേസെടുത്തു. പാപ്പനംകോട് സ്വദേശി വി കെ നാരായണനെതിരെ തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് കേസെടുത്തത്.
2018 സെപ്റ്റംബറിൽ തന്റെ ഫെയ്സ് ബുക്ക് പേജിൽ ഇയാൾ ചെയ്ത പോസ്റ്റിനെതിരെ ബിജെപി പാപ്പനംകോട് ബൂത്ത് പ്രസിഡൻറ് പ്രകാശ് തിരുവനന്തപുരം സിറ്റി പൊലീസ് കമീഷണർക്ക് പരാതി നൽകിയിരുന്നു. എന്നാൽ കേസെടുക്കാൻ കൂട്ടാക്കിയില്ല. പൊലീസ് നടപടി ഉണ്ടാകാത്ത സാഹചര്യത്തിൽ പരാതിക്കാരൻ കോടതിയിൽ സ്വകാര്യ അന്യായം ഫയൽ ചെയ്യുകയായിരുന്നു.
പ്രതിക്കെതിരെ പ്രഥമദൃഷ്ട്യാ കേസ് കോടതിക്ക് ബോധ്യപ്പെട്ടതിന്റെ അടിസ്ഥാനത്തിൽ ഇന്ത്യൻ ശിക്ഷാനിയമം 295, 295 എ എന്നീ ജാമ്യമില്ലാ വകുപ്പുകൾ പ്രകാരമാണ് കേസെടുത്തത്. ഒക്ടോബർ അഞ്ചിന് പ്രതി കോടതിയിൽ നേരിട്ട് ഹാജരാകാനും കോടതി നിർദേശിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ