കൊച്ചി: എറണാകുളം മഹാരാജാസ് കോളജില്‍ എസ്എഫ്‌ഐ-ഫ്രറ്റേണിറ്റി സംഘര്‍ഷം. യൂണിയന്‍ ഓഫീസ് പൂട്ടിയതുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്. കോളജ് അധികൃതര്‍ പൂട്ടിയ യൂണിയന്‍ ഓഫീസ്, എസ്എഫ്‌ഐ പ്രവര്‍ത്തകര്‍ പൂട്ടുപൊളിച്ചു തുറന്നു. ഇതിനെതിരെ ഫ്രറ്റേണിറ്റി പ്രവര്‍ത്തകര്‍ രംഗത്തെത്തുകയായിരുന്നു. കെഎസ്‌യു നല്‍കിയ പരാതിയെത്തുടര്‍ന്നാണ് യൂണിയന്‍ ഓഫീസ് പൂട്ടിയത്.
ഫ്രട്ടേണിറ്റിയുടെ സാഹോദര്യ ജാഥയുമായി ബന്ധപ്പെട്ട് നേരത്തെ ക്യാമ്പസില്‍ സംഘര്‍ഷാവസ്ഥയുണ്ടായിരന്നു. സാഹോദര്യ ജാഥയുമായി എത്തിയ ഫ്രറ്റേണിക്കാരെ ക്യാമ്പസില്‍ കടക്കാന്‍ എസ്എഫ്‌ഐ പ്രവര്‍ത്തകര്‍ അനുവദിച്ചിരുന്നില്ല. പൊലീസ് എത്തിയ ഫ്രറ്റേണിക്കാരെ അറസ്റ്റ് ചെയ്താണ് അന്ന് പ്രശ്‌നം പരിഹരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
