കാസര്‍കോട്: സോഷ്യല്‍ മീഡിയയിലൂടെ സ്‌കൂളുകള്‍ക്ക് അവധിയാണെന്ന് പ്രചരിപ്പിച്ചവര്‍ക്കെതിരെ കേസെടുക്കാന്‍ കാസര്‍കോട് കളക്ടറുടെ നിര്‍ദേശം. കാസര്‍കോട് ജില്ലാ കളക്ടറുടെ പേരില്‍ വ്യാജ സന്ദേശം പ്രചരിപ്പിച്ചവര്‍ക്കെതിരെയാണ് നടപടി വരുന്നത്. മഴ കടുത്തതോടെ സോഷ്യല്‍ മീഡിയയിലൂടെയുള്ള വ്യാജ പ്രചരണങ്ങളും വര്‍ധിച്ചിരിക്കുകയാണ്. ഇത് തടയുന്നതിനായാണ് വ്യാജപ്രചരണം നടത്തുന്നവര്‍ക്കെതിരേ നടപടിയെടുക്കാന്‍ കളക്ടര്‍ ആവശ്യപ്പെട്ടത്.
നാളെ സ്‌കൂളിന് അവധി നല്‍കിയെന്ന തരത്തിലാണ് വ്യാജ സന്ദേശം പ്രചരിക്കുന്നത്. അവധി പ്രഖ്യാപിച്ചതായുള്ള കളക്ടറുടെ അറിയിപ്പ് ഉണ്ടാക്കിയാണ് വ്യാജ സന്ദേശങ്ങള്‍ വാട്‌സാപ്പ് വഴി പ്രചരിപ്പിക്കുന്നത്. ഇതിനെതിരെ കര്‍ശന നടപടി സ്വീകരിക്കാനാണ് കാസര്‍കോട് ജില്ലാ കളക്ടര്‍ ഡോ. ഡി സജിത് ബാബു പൊലീസിന് നിര്‍ദ്ദേശം നല്‍കിയത്. അതേസമയം കാസര്‍കോട് മഴ ശക്തമായി തുടരുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
