കുട്ടികളുടെ വായില്‍ പുഴുക്കള്‍, കുളിക്കുമ്പോള്‍ ദേഹത്ത്; താലൂക്ക് ആശുപത്രിയിലെ പൈപ്പ് വെള്ളത്തില്‍ പുഴുക്കളെ കണ്ടെത്തിയിട്ടും നടപടിയില്ല

കുട്ടികളുടെ വാര്‍ഡിലെ പൈപ്പ് വെള്ളത്തിലാണ് പുഴുക്കളെ കണ്ടെത്തിയത് എന്ന് കുട്ടികളുടെ രക്ഷിതാക്കള്‍ പറയുന്നു
കുട്ടികളുടെ വായില്‍ പുഴുക്കള്‍, കുളിക്കുമ്പോള്‍ ദേഹത്ത്; താലൂക്ക് ആശുപത്രിയിലെ പൈപ്പ് വെള്ളത്തില്‍ പുഴുക്കളെ കണ്ടെത്തിയിട്ടും നടപടിയില്ല

കായംകുളം: താലൂക്ക് ആശുപത്രിയിലെ പൈപ്പ് വെള്ളത്തില്‍ പുഴുക്കളെ കണ്ടെത്തി. കുട്ടികളുടെ വാര്‍ഡിലെ പൈപ്പ് വെള്ളത്തിലാണ് പുഴുക്കളെ കണ്ടെത്തിയത് എന്ന് കുട്ടികളുടെ രക്ഷിതാക്കള്‍ പറയുന്നു. എന്നാല്‍, വിവരം ആശുപത്രി അധികൃതരെ അറിയിച്ചിട്ടും നടപടി സ്വീകരിച്ചില്ലെന്നും ആരോപണമുണ്ട്. 

കുട്ടികളെ കുളിപ്പിക്കാനും, വായകഴുകാനുമെല്ലാം ഉപയോഗിക്കുന്ന ടാപ്പിലെ വെള്ളത്തിലാണ് പുഴുവിനെ കണ്ടെത്തിയത്. കുളി കളിഞ്ഞ് ഇറങ്ങുന്ന കുട്ടികളുടെ ദേഹത്ത് പുഴുക്കളെ കണ്ടിട്ടുണ്ടെന്നും, വായ കഴുകുമ്പോള്‍ കുട്ടികളുടെ വായില്‍ നിന്നും പുഴുക്കള്‍ വന്നിട്ടുണ്ടെന്നും രക്ഷിതാക്കള്‍ പറയുന്നു. 

ഇത് ആദ്യമായല്ല കായംകുളം താലൂക്ക് ആശുപത്രിയുടെ പൈപ്പ് വെള്ളത്തില്‍ പുഴുക്കളെ കണ്ടെത്തുന്നത്. നേരത്തെ പൈപ്പ് വെള്ളത്തില്‍ പുഴുക്കളെന്ന വാര്‍ത്ത വന്നതിനെ തുടര്‍ന്ന് നടത്തിയ പരിശോധനയില്‍ പൊട്ടിയ പൈപ്പിലൂടെ പുഴുക്കള്‍ കയറുന്നതാണെന്ന് കണ്ടുപിടിച്ചിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com