കൊച്ചി; കുസാറ്റില് എസ്എഫ്ഐ കെഎസ് യു പ്രവര്ത്തകര് തമ്മിലുണ്ടായ സംഘര്ഷത്തില് നാല് പേര്ക്ക് പരിക്കേറ്റു. ബിടെക് വിദ്യാര്ത്ഥികളുടെ ഹോസ്റ്റല് ഭാരവാഹി തിരഞ്ഞെടുപ്പുമായി ബന്ധപ്പെട്ട തര്ക്കമാണ് സംഘര്ഷത്തില് കലാശിച്ചത്. കെഎസ് യു പ്രവര്ത്തകരായ ഉനൈസ്, അന്സാര്, ജഗത്, സുമിന് എന്നിവര്ക്കാണ് പരിക്കേറ്റത്. ഇവര് സ്വകാര്യ ആശുപത്രിയില് ചികിത്സയിലാണ്.
സംഘര്ഷത്തെ തുടര്ന്ന് സര്വകലാശാലയിലെ സ്കൂള് ഓഫ് എന്ജിനീയറിംഗ് അടുത്ത ബുധനാഴ്ച വരെ അടച്ചു. സംഭവത്തില് കണ്ടാലറിയാവുന്ന 15 പേരുടെ പേരില് ജാമ്യമില്ലാ വകുപ്പ് ചുമത്തി കേസെടുത്തതായി പൊലീസ് അറിയിച്ചു. സംഭവത്തില് പ്രതിഷേധിച്ച് യൂത്ത് കോണ്ഗ്രസ്, കെഎസ് യു പ്രവര്ത്തകര് കളമശ്ശേരി പൊലീസ് സ്റ്റേഷനിലേക്ക് മാര്ച്ച് നടത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ