എന്‍കെ പ്രേമചന്ദ്രന്‍ എംപിയുടെ സ്വീകരണയോഗത്തിന് നേരെ ആക്രമണം; രണ്ട് പേര്‍ക്ക് വെട്ടേറ്റു

ആക്രമണത്തില്‍ രണ്ട് പ്രവര്‍ത്തകര്‍ക്ക് വെട്ടേറ്റു. പൊലീസുകാരനും പരുക്കേറ്റിട്ടുണ്ട്
എന്‍കെ പ്രേമചന്ദ്രന്‍ എംപിയുടെ സ്വീകരണയോഗത്തിന് നേരെ ആക്രമണം; രണ്ട് പേര്‍ക്ക് വെട്ടേറ്റു

കൊല്ലം: കൊല്ലം പൂതപ്പള്ളിയില്‍ എന്‍കെ പ്രേമചന്ദ്രന്‍ എംപിയുടെ സ്വീകരണയോഗത്തിന് നേരെ ആക്രമണം. ആക്രമണത്തിന് പിന്നില്‍ എല്‍ഡിഎഫ്  പ്രവര്‍ത്തകരാണെന്ന് എംപി ആരോപിച്ചു. ആക്രമണത്തില്‍ രണ്ട് പ്രവര്‍ത്തകര്‍ക്ക് വെട്ടേറ്റു. പൊലീസുകാരനും പരുക്കേറ്റിട്ടുണ്ട്. 

പരവൂരില്‍ നഗരസഭയിലെ സ്വീകരണ പരിപാടി കഴിഞ്ഞു പൂതക്കുളം പഞ്ചായത്തിലേക്കു പോകുമ്പോഴായിരുന്നു സംഭവം. വാഹനം തടഞ്ഞ സിപിഐ പ്രവര്‍ത്തകരെ പൊലീസെത്തി കസ്റ്റഡിയിലെടുത്തു. സംഭവത്തില്‍ പ്രതിഷേധിച്ച് എംപിയുടെ നേതൃത്വത്തില്‍ പരവൂര്‍ പാരിപ്പള്ളി റോഡ് ഉപരോധിച്ചു.

അതേസമയം അക്രമങ്ങളുമായി ബന്ധപ്പെട്ട് നാലുപേരെ പോലീസ് കസ്റ്റഡിയിലെടുത്തു. ഡിവൈഎഫ്‌ഐ, എഐവൈഎഫ് പ്രവര്‍ത്തകരെയാണ് പോലീസ് കസ്റ്റഡിയിലെടുത്തിട്ടുള്ളത്. ഇവരുടെ പേരുവിവരങ്ങള്‍ പുറത്തുവന്നിട്ടില്ല. യാതൊരു പ്രകോപനവുമില്ലാതെയാണ് എല്‍ഡിഎഫ് പ്രവര്‍ത്തകര്‍ ആക്രമണം നടത്തിയതെന്നാണ് യുഡിഎഫ് ആരോപിക്കുന്നത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com