തിരുവനന്തപുരം: 2019-ലെ എഞ്ചിനീയറിംഗ്, ആര്ക്കിടെക്ചര് (ബി.ആര്ക്ക്), ഫാര്മസി (ബി.ഫാം) കോഴ്സുകളിലെ പ്രവേശനത്തിനുള്ള സംസ്ഥാന റാങ്ക് പട്ടിക പ്രസിദ്ധീകരിച്ചു. എഞ്ചിനിയറിംഗ് വിഭാഗത്തിൽ ഇടുക്കി ജില്ലയിൽ നിന്നുള്ള വിഷ്ണു വിനോദിനാണ് ഒന്നാം റാങ്ക്. രണ്ടും മൂന്നും റാങ്കുകൾ കോട്ടയം ജില്ലയ്ക്കാണ്. രണ്ടാം റാങ്ക് ഗൗതം ഗോവിന്ദും മൂന്നാം റാങ്ക് അഖ്വിബ് നവാസും സ്വന്തമാക്കി.
ആദ്യ 1,000 റാങ്കിൽ 179 പേർ എറണാകുളം ജില്ലക്കാരാണ്. ഉന്നത വിദ്യാഭ്യാസ മന്ത്രി കെ.ടി.ജലീലാണ് ഫലം പ്രഖ്യാപിച്ചത്. അടുത്ത വർഷം മുതൽ എഞ്ചിനിയറിംഗ് പ്രവേശന പരീക്ഷ പൂർണമായും ഓൾലൈനായി നടത്താൻ സംവിധാനമൊരുക്കാൻ ശ്രമിക്കുമെന്നും മന്ത്രി കൂട്ടിച്ചേർത്തു. വിദ്യാര്ഥികള്ക്ക് പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റില് റാങ്ക് ലിസ്റ്റ് കാണാവുന്നതാണ്.
മേയ് രണ്ട്, മൂന്ന് തീയതികളിലായി നടത്തിയ സംസ്ഥാന എഞ്ചിനീയറിംഗ് പ്രവേശന പരീക്ഷയിലെ സ്കോര് മേയ് 21-ന് പ്രസിദ്ധീകരിച്ചിരുന്നു. യോഗ്യത നേടിയ 51,665 വിദ്യാര്ഥികളില് 45,597 വിദ്യാര്ഥികള് അവരുടെ രണ്ടാം വര്ഷ യോഗ്യതാ പരീക്ഷയുടെ മാര്ക്ക് പ്രവേശന പരീക്ഷാ കമ്മീഷണര്ക്ക് സമര്പ്പിച്ചു.
റാങ്ക്ലിസ്റ്റ് വെള്ളിയാഴ്ച പ്രസിദ്ധീകരിക്കാനാണ് നേരത്തേ തീരുമാനിച്ചിരുന്നത്. നാഷണല് ഓപ്പണ് സ്കൂള് പ്ലസ്ടു പരീക്ഷാഫലം വൈകിയ സാഹചര്യത്തിലാണ് തീയതി നീട്ടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ