തിരുവനന്തപുരം: കെഎംആര്എല് മാനേജിംഗ് ഡയറക്ടര് മുഹമ്മദ് ഹനീഷിനെ തല്സ്ഥാനത്തുനിന്ന് മാറ്റി. ഹനീഷിനെ വ്യവസായ വകുപ്പ് സെക്രട്ടറിയായി മാറ്റി നിയമിക്കാന് ഇന്ന് ചേര്ന്ന മന്ത്രിഭ യോഗം തീരുമാനിച്ചു. പാലാരിവട്ടം മേല്പ്പാല വിവാദത്തെ തുടര്ന്നാണ് മാറ്റമെന്നാണ് സൂചന.
സാംസ്കാരിക വകുപ്പ് സെക്രട്ടറി റാണി ജോര്ജിന് നിലവിലുള്ള ചുമതലകള്ക്കു പുറമെ കേരള സ്റ്റേറ്റ് കോ-ഓപ്പറേറ്റീവ് ബാങ്ക് മനേജിംഗ് ഡയറക്ടറുടെ ചുമതല കൂടി നല്കും. പൊതുവിദ്യാഭ്യാസ സെക്രട്ടറി എ ഷാജഹാന് നിലവിലുള്ള ചുമതലകള്ക്കു പുറമെ സൈനിക ക്ഷേമ വകുപ്പ്, പ്രിന്റിംഗ് ആന്റ് സ്റ്റേഷനറി എന്നിവയുടെ ചുമതല കൂടി നല്കും.
എറണാകുളം കലക്ടര് മുഹമ്മദ് സഫീറുള്ളയെ എസ്ജിഎസ്ടി വകുപ്പ് അഡീഷണല് കമ്മീഷണറായി മാറ്റി നിയമിക്കും. വിവരസാങ്കേതിക വിദ്യാ വകുപ്പ് ജോയിന്റ് സെക്രട്ടറിയുടെ അധിക ചുമതലയും അദ്ദേഹം വഹിക്കും. കണ്ണൂര് ജില്ലാ കലക്ടര് മീര് മുഹമ്മദ് അലിയെ ശുചിത്വമിഷന് ഡയറക്ടറായി മാറ്റി നിയമിക്കാനും ഇന്നത്തെ മന്ത്രിസഭാ യോഗത്തിൽ തീരുമാനമായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ