ന്യൂഡല്‍ഹി: കേന്ദ്രസാഹിത്യ അക്കാദമിയുടെ 2019ലെ ബാലസാഹിത്യ പുരസ്‌കാരങ്ങള്‍ പ്രഖ്യാപിച്ചു. മലയാളത്തില്‍ നിന്ന് മലയത്ത് അപ്പുണ്ണിയ്ക്കാണ് പുരസ്‌കാരം. ബാലസാഹിത്യത്തിന് നല്‍കിയ സമഗ്രസംഭാവനകള്‍ പരിഗണിച്ചാണ് പുരസ്‌കാരം. 50,000 രൂപയും ഫലകവുമാണ് അവാര്‍ഡ്. ശിശുദിനമായ നവംബര്‍ 14ന് അവാര്‍ഡുകള്‍ വിതരണം ചെയ്യും.
കേന്ദ്രസാഹിത്യ അക്കാദമിയുടെ യുവപുരസ്‌കാരം മലയാളത്തില്‍ അനൂജ അകത്തൂട്ടിന്റെ 'അമ്മ ഉറങ്ങുന്നില്ലൂ എന്ന കവിതാ പുരസ്‌കാരത്തിനാണ്. 50000 രൂപയും ഫലകവുമാണ് അവാര്‍ഡ്.
യുഎ ഖാദര്‍, ഡോ. കെഎസ് രവി കുമാര്‍, ഇളവൂര്‍ ശ്രീകുമാര്‍ എന്നിവരായിരുന്നു ബാലസാഹിത്യപുരസ്‌കാര ജൂറി അംഗങ്ങള്‍. ഡോ. ഗീത പുതുശ്ശേരി, ഡോ. പിഎസ് രാധാകൃഷ്ണന്‍, ഡോ. നെടുമുടി ഹരികുമാര്‍ എന്നിവരായിരുന്നു യുവപുരസ്‌കാരത്തിന്റെ ജൂറി അംഗങ്ങള്‍
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
