കോഴിക്കോട്: ചെങ്കല്‍ ക്വാറിയില്‍ മണ്ണിടിഞ്ഞു വീണ് രണ്ടു പേര്‍ മരിച്ചു. ചെറുവാടി സ്വദേശി അബ്ദുറഹ്മാന്‍, മലപ്പുറം ഓമാനൂര്‍ സ്വദേശി വിനു എന്നിവരാണ് മരിച്ചത്. ചെറുവാടി പഴംപറമ്പില്‍ ഇന്നു രാവിലെയാണ് അപകടമുണ്ടായത്.
ക്വാറില്‍ ജോലി ചെയ്യുന്നതിനിടെ അബ്ദു റഹ്മാന്റെയും വിനുവിന്റെയും മേലേക്ക് മണ്ണിടിഞ്ഞുവീഴുകയായിരുന്നു. ചെങ്കല്‍ ക്വാറിയുടെ അരിക് മഴയില്‍ നനഞ്ഞ് കുതിര്‍ന്നു കിടക്കുകയായിരുന്നു. ഇരുവരും മണ്ണിനടിയില്‍പ്പെട്ട കാര്യം വൈകിയാണ് മറ്റുള്ളവര്‍ അറിഞ്ഞത്. ഏറെ നേരത്തെ പരിശ്രമത്തിനൊടുവിലാണ് ഇവരെ പുറത്തെടുത്തത്.
ക്വാറി പ്രവര്‍ത്തിച്ചത് അനധികൃതമായാണെന്ന് റിപ്പോര്‍ട്ടുകളുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
