ഇടുക്കി : നെടുങ്കണ്ടത്ത് പൊലീസ് കസ്റ്റഡിയില് മര്ദനമേറ്റ് മരിച്ച രാജ്കുമാറിനെതിരെ വൈദ്യുതമന്ത്രി എം എം മണി. രാജ്കുമാര് കുഴപ്പക്കാരനായിരുന്നുവെന്ന് മന്ത്രി പറഞ്ഞു. മരണത്തിന് പിന്നില് പൊലീസ് മാത്രമല്ല ഉത്തരവാദികള്.
കോണ്ഗ്രസ് പ്രവര്ത്തകര് രാജ്കുമാറിനൊപ്പം തട്ടിപ്പ് നടത്തിയെന്ന് മന്ത്രി ആരോപിച്ചു. സര്ക്കാരിന് ചീത്തപ്പേരുണ്ടാക്കാന് പൊലീസ് അവസരം ഉണ്ടാക്കി. സര്ക്കാരിനെ പ്രതിക്കൂട്ടിലാക്കാന് പലരും ശ്രമിക്കുന്നുവെന്നും മണി ആരോപിച്ചു.
ഹരിത ചിട്ടി തട്ടിപ്പുമായി ബന്ധപ്പെട്ട് 12-ാം തീയതിയാണ് രാജ്കുമാറിനെ നെടുങ്കണ്ടം പൊലീസ് കസ്റ്റഡിയിലെടുത്തത്. എന്നാല് അനധികൃതമായി പൊലീസ് കസ്റ്റഡിയില് സൂക്ഷിച്ച രാജ്കുമാറിന്റെ അറസ്റ്റ് 16 നാണ് രേഖപ്പെടുത്തിയത്. ഗുരുതരമായി മര്ദനമേറ്റ രാജ്കുമാറിന് പൊലീസും ജയില് അധികൃതരും ആവസ്യമായ വൈദ്യസഹായം നല്കിയിരുന്നില്ലെന്നും ക്രൈംബ്രാഞ്ച് കണ്ടെത്തിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ