തിരുവനന്തപുരം: കെ സുരേന്ദ്രൻ ലോക്സഭാ തെരഞ്ഞെടുപ്പിൽ മത്സരിക്കുമെന്ന പ്രഖ്യാപനവുമായി ബിജെപി സംസ്ഥാന പ്രസിഡന്റ് പിഎസ് ശ്രീധരൻപിള്ള. പരിവർത്തൻ യാത്ര തെക്കൻ മേഖലാ ജാഥയുടെ ഉദ്ഘാടന വേദിയിലാണ് കെ സുരേന്ദ്രന്റെ സ്ഥാനാര്‍ത്ഥിത്വത്തെക്കുറിച്ച് ശ്രീധരന്‍ പിള്ള വെളിപ്പെടുത്തൽ നടത്തിയത്. തെക്കൻ മേഖലാ യാത്രയുടെ ക്യാപ്റ്റനാണ് സുരേന്ദ്രൻ. സുരേന്ദ്രൻ മത്സരിക്കുമെന്നും സഹായിക്കണമെന്നും ശ്രീധരൻ പിള്ള വ്യക്തമാക്കി.
കുപ്രചാരണം കൊണ്ട് ബിജെപിയെ തകർക്കാനാവില്ല. കുപ്രചാരണം കൊണ്ട് ലക്ഷ്യമിടുന്നത് ബിജെപിയെ തോല്‍പിക്കല്‍ മാത്രമാണ്. ബിജെപി സ്ഥാനാർഥികളാരൊക്കെ എന്നത് സംബന്ധിച്ച് ഇതുവരെ ഒരു ചർച്ചയും നടന്നിട്ടില്ല. സ്ഥാനാർഥിയെച്ചൊല്ലി തമ്മിലടി എന്ന കുപ്രചാരണം ചിലർ നടത്തുന്നു. കേരളത്തിലുള്ളത് നാണംകെട്ട കോൺഗ്രസ് മാർക്സിസ്റ്റ് കോമ മുന്നണിയാണെന്നും ശ്രീധരന്‍ പിള്ള കോട്ടയത്ത് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
