കാസർകോട്: പുതിയങ്ങാടിയിലെ കള്ള വോട്ട് ആരോപണത്തിൽ ഹിയറിങിന് ഹാജരാകാത്ത അബ്ദുൽ സമദിനെതിരെ അറസ്റ്റ് വാറണ്ട് പുറപ്പെടുവിക്കുമെന്ന് ജില്ലാ കലക്ടർ സജിത് ബാബു. കള്ള വോട്ട് ചെയ്തെന്ന് കണ്ടെത്തിയ മുഹമ്മദ് ഫായിസ്, ആഷിഖ് എന്നിവർ കലക്ടർക്ക് മുന്നിൽ ഹാജരായിരുന്നു. വിഷയത്തിൽ ഇരുവരുടെയും വിശദീകരണം കലക്ടർ രേഖപ്പെടുത്തി.
കഴിഞ്ഞ ദിവസം വെബ് സ്ട്രീമിങിന് ദൃശ്യങ്ങൾ പരിശോധിച്ചതിൽ നിന്ന് മുഹമ്മദ് ഫായിസും ആഷിഖും കള്ള വോട്ട് രേഖപ്പെടുത്തിയതായി കണ്ടെത്തിയിരുന്നു. മുഹമ്മദ് ഫായിസ് രണ്ട് ബൂത്തുകളിൽ വോട്ട് ചെയ്തെന്നാണ് കണ്ടെത്തിയത്.
ആരോപണ വിധേയരായവരുടെ ഭാഗം കേട്ട കലക്ടർ മുഖ്യ തെരഞ്ഞെടുപ്പ് ഓഫീസർക്ക് റിപ്പോർട്ട് സമർപ്പിക്കും. ബൂത്തിലെ പോളിങ് ഉദ്യോഗസ്ഥരുടെ മൊഴി നേരേത്തെ രേഖപ്പെടുത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
