കാഞ്ഞങ്ങാട്: പെരിയ ഇരട്ടക്കൊലപാതകവുമായി ബന്ധപ്പെട്ട് ഉദുമ എംഎൽഎ കെ കുഞ്ഞിരാമന്റെ മൊഴിയെടുത്തു. ഇന്ന് രാവിലെയാണ് അന്വേഷണ സംഘം മൊഴി രേഖപ്പെടുത്തുന്നതിനായി എംഎൽഎയെ വിളിച്ചു വരുത്തിയത്. എംഎൽഎയ്ക്ക് പുറമേ മുന് എംഎല്എ കെ വി കുഞ്ഞിരാമന്റെയും ഏരിയ സെക്രട്ടറി കെ മണികണ്ഠന്റെയും ജില്ലാ സെക്രട്ടറിയേറ്റ് അംഗം മുസ്തഫയുടെയും മൊഴികൂടി അന്വേഷണ സംഘം രേഖപ്പെടുത്തി.
ഇക്കഴിഞ്ഞ ഫെബ്രുവരിയിലാണ് യൂത്ത് കോൺഗ്രസ് പ്രവർത്തകരായ ശരത്തും കൃപേഷും കൊല്ലപ്പെട്ടത്. സംഭവത്തിൽ പെരിയ ലോക്കൽ കമ്മിറ്റിയംഗമായ പീതാംബരൻ ഉൾപ്പടെ ഏഴ് സിപിഎം പ്രവർത്തകർ അറസ്റ്റിലായിരുന്നു. രണ്ടു ഡിവൈഎസ്പിമാരും നാലു സിഐമാരും ജില്ലാ പൊലീസ് മേധാവിയുടെ സ്ക്വാഡ് അംഗങ്ങളും ഉൾപ്പെട്ട പ്രത്യേക അന്വേഷണ സംഘമാണ് പെരിയ ഇരട്ടക്കൊലപാതകം അന്വേഷിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ