കോഴിക്കോട് : തെരഞ്ഞെടുപ്പുമായി ബന്ധപ്പെട്ട് നടന്ന മുഴുവന് ക്രമക്കേടുകളെക്കുറിച്ചും അന്വേഷിക്കാന് പ്രത്യേക സമിതി രൂപീകരിച്ച് കോൺഗ്രസ്. കെസി ജോസഫ് കണ്വീനറായുള്ള സമിതിയില് എംഎല്എമാരായ സണ്ണിജോസഫ്, ഐസി ബാലകൃഷ്ണന് എന്നിവരും കെപിസിസി ഭാരവാഹികളായ കെപി കുഞ്ഞിക്കണ്ണന്, വിഎ നാരായണൻ, ഉമാ ബാലകൃഷ്ണന്, സജി ജേക്കബ്, എൻ. സുബ്രഹ്മണ്യന്, കെപി അനില്കുമാര്, പിഎം. സുരേഷ്ബാബു എന്നിവരും ഉണ്ടാവും.
മലബാര് ജില്ലകളിലാണ് സമിതി ആദ്യം തെളിവെടുപ്പ് നടത്തുന്നത്. പരാതി ഉള്ളിടങ്ങളിൽ സമഗ്രമായ അന്വേഷണം നടത്തും. മറ്റു ജില്ലകളിലും സമിതി അന്വേഷണം നടത്തും. അന്വേഷണ റിപ്പോര്ട്ട് മുഖ്യതെരഞ്ഞെടുപ്പ് ഓഫീസര്ക്കും കേന്ദ്ര തെരഞ്ഞെടുപ്പ് കമ്മീഷനും സമര്പ്പിക്കും. നിയമനടപടി ആവശ്യമാണെങ്കിൽ ഏതറ്റംവരെയും പോകുമെന്നും കെപിസിസി പ്രസിന്റ് മുല്ലപ്പള്ളി പറഞ്ഞു.
അതേസമയം, തെരഞ്ഞെടുപ്പ് ഒരുക്കങ്ങളില് കോണ്ഗ്രസിന്റെ സംഘടനാതലത്തില് പിഴവുകള് ഉണ്ടായിട്ടുണ്ടെന്നാണ് കെപിസിസിയുടെ വിലയിരുത്തല്. വോട്ടര്പട്ടികയില് നിന്ന് 10 ലക്ഷം യുഡിഎഫ് വോട്ടാണ് വെട്ടിനിരത്തിയതെന്ന് കഴിഞ്ഞ ദിവസം കോണ്ഗ്രസ് പ്രവര്ത്തകസമിതി അംഗം ഉമ്മന് ചാണ്ടി ആരോപിച്ചിരുന്നു. ഇത് സംഘടനാതലത്തില് സംഭവിച്ച വലിയ വീഴ്ചയായാണ് നേതൃത്വം കാണുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ